ସ୍ତ୍ରୀକୁ ଅପହରଣ କରାଯାଇ ଦୁଷ୍କର୍ମ କରାଯାଇଥିବା ଅଭିଯୋଗ କଲେ ଯୁବକ, ମାଡ଼ ମାରି ଦୁଇ ଆଙ୍ଗୁଠି ଭାଙ୍ଗିଦେଲା ପୁଲିସ
ମଣିପୁରୀ: ଉତ୍ତରପ୍ରଦେଶରେ ଥିବା ବିଛଓ୍ଵନ ପୁଲିସ ଷ୍ଟେସନରେ ଏକ ଆଶ୍ଚର୍ଯ୍ୟ କଲା ଭଳି ଘଟଣା ଘଟିଛି । ସ୍ତ୍ରୀ ସହ ଘଟିଥିବା ଅପରାଧର ଅଭିଯୋଗ ପୁଲିସ ଆଗରେ କରିଥିଲେ ସ୍ୱାମୀ । ଅଭିଯୋଗ ରଖି କାର୍ଯ୍ୟାନୁଷ୍ଠାନ ଗ୍ରହଣ କରିବା ପରିବର୍ତ୍ତେ ପୁଲିସକର୍ମୀମାନେ ଅଭିଯୋଗକାରୀଙ୍କ ସହ ଥାର୍ଡ ଡିଗ୍ରୀ ଟର୍ଚର କରି ତାଙ୍କର ଦୁଇ ଆଙ୍ଗୁଠି ଭାଙ୍ଗି ଦେଇଥିବା ସାମ୍ନାକୁ ଆସିଛି । ଅଭିଯୋଗକାରୀ ମିଛ ଅଭିଯୋଗ କରୁଥିବା କହି ପୁଲିସକର୍ମୀମାନେ ଏପରି କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପୀଡ଼ିତଙ୍କ ଅଭିଯୋଗ ଅନୁଯାୟୀ, ମୁଁ ଏବଂ ମୋ ସ୍ତ୍ରୀ ବାଇକ ଯୋଗେ ମଣିପୁରୀ ଆଡ଼କୁ ଯାଉଥିବା ବେଳେ ୩ଜଣ ଦୁର୍ବୃତ୍ତ ଆସି ଆମକୁ ଅଟକାଇବା ସହ ମୋତେ ଅଚେତ ହେବା ପର୍ଯ୍ୟନ୍ତ ମାଡ଼ ମାରିଥିଲେ । ଏହା ପରେ ମୋ ପତ୍ନୀଙ୍କୁ ୩ଜଣ ଅପହରଣ କରି ନେଇ ଦୁଷ୍କର୍ମ କରିବା ସହ ରାସ୍ତା କଡ଼ରେ ଫିଙ୍ଗି ଦେଇଥିଲେ । ଚେତା ଫେରିବା ପରେ ମୁଁ ୧୦୦ନମ୍ବର ଡାଏଲ କରି ପୁଲିସକୁ ସବୁ ଜଣାଇଥିଲି । କିନ୍ତୁ ପୁଲିସ ଘଟଣାସ୍ଥଳରେ ପହଞ୍ଚି ମୁଁ ମିଛ କହୁଛି ବୋଲି କହି ଗାଳି ଦେବା ଆରମ୍ଭ କରି ଦେଇଥିଲା । ମୁଁ ମୋ ପତ୍ନୀକୁ ମାରି ପୁଲିସକୁ ମିଛ କହୁଛି ବୋଲି ପୁଲିସକର୍ମୀମାନେ ମୋ ଉପରେ ମିଥ୍ୟା ଆରୋପ ଲଗାଇଥିଲେ । ଏହା ପରେ ମୋତେ ପୁଲିସ ଷ୍ଟେସନ ନେଇ ମାଡ଼ ମାରିବା ଆରମ୍ଭ କରି ଦେଇଥିଲେ । ଯାହାଦ୍ୱାରା ମୋର ଦୁଇଟି ଆଙ୍ଗୁଠି ଭାଙ୍ଗି ଯାଇଛି । କିଛି ସମୟ ପରେ ମୋ ପତ୍ନୀ ପୁଲିସ ଷ୍ଟେସନରେ ପହଞ୍ଚି ପୂରା ଘଟଣା ଜଣାଇବା ପରେ ପୁଲିସ ମାମଲା ରୁଜୁ କରିଥିଲା କିନ୍ତୁ ଏ ପର୍ଯ୍ୟନ୍ତ କୌଣସି କାର୍ଯ୍ୟନୁଷ୍ଠାନ ଗ୍ରହଣ କରାଯାଇ ନାହିଁ ।