ପିକଅପ୍ ଧକ୍କାରେ ସ୍କୁଟି ଚାଳକ ମୃତ,ବାଇକରେ ଥିବା ଦମ୍ପତ୍ତି ଗୁରୁତର
ରାଇରଙ୍ଗପୁର: ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନ ଥାନା ଅର୍ନ୍ତଗତ ଅଁଳାଡୁବା ରେଳ ଫାଟକ ଛକ ନିକଟରେ ଏକ ପିକଅପ୍ ଧକ୍କାରେ ସ୍କୁଟି ଚାଳକଙ୍କ ମୃତ୍ୟୁ ଘଟିଥିବାବେଳେ ଦମ୍ପତ୍ତି ଗୁରୁତର ଆହତ ହୋଇଛନ୍ତି । ଘଟଣାରୁ ପ୍ରକାଶ ଯେ ଟାଉନ ଥାନା ଅର୍ନ୍ତଗତ ବୁଧିଆକୁଦର(ରହଣୀକୁଦର) ଗ୍ରାମର କ୍ଷୀରଦ ମହାନ୍ତ(୫୮) ପ୍ରତ୍ୟେକ ଦିନ ପରି ଆଜି ମଧ୍ୟ ନିଜ ସ୍କୁଟି ଓଡି-୧୧ଜେ-୯୬୭୮ ଯୋଗେ କ୍ଷୀର ବିକ୍ରି କରିବାକୁ ବଜାରକୁ ଯାଉଥିଲେ । ତେବେ ହଠାତ୍ ବିପରୀତ ଦିଗରୁ ପିକଅପ୍ ଜେଏଚ୍-୦୫ସିଡି-୮୧୦୧ ତାଙ୍କୁ ଧକ୍କା ଦେବାରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଘଟଣାସ୍ଥଳକୁ ଯାଇ ଶବକୁ ଜବତ କରି ବ୍ୟବଛେଦ ପାଇଁ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଛି ଏବଂ ଉଭୟ ଦୁର୍ଘଟଣାଗ୍ରସ୍ତ ଯାନକୁ ମଧ୍ୟ ଜବତ କରି ଟାଉନ ଥାନାରେ ଏକ ମାମଲା ରୁଜୁ କରିଛି । ତେବେ ଠିକ୍ ସେହି ସମୟରେ ଆଉ ଏକ ବାଇକକୁ ଧକ୍କା ଦେବାରୁ ଦମ୍ପତି ଗୁରୁତର ଆହତ ହୋଇଛନ୍ତି । ଗୁରୁତରମାନେ ହେଲେ ବିଶୋଇ ଥାନା ଅର୍ନ୍ତଗତ ଅଶନା ଗ୍ରାମର ରାହୁଲ ନାଏକ ଓ ତାଙ୍କ ପତ୍ନୀ ସାଗରିକା ନାଏକ |
ଉଭୟଙ୍କୁ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ତେବେ ରାହୁଲଙ୍କ ଅବସ୍ଥା ସଂକଟାପନ୍ନ ହେବାରୁ ତାଙ୍କୁ ବାରିପଦାସ୍ଥିତ ପିଆରଏମ୍ ମେଡିକାଲ କଲେଜ ଏଣ୍ଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ତେବେ ଦୁର୍ଘଟଣା ଘଟାଇ ପିକଅପ୍ ଚାଳକ ସେଠାରୁ ଫେରାର୍ ହୋଇଯାଇଥିବା ସୂଚନା ମିଳିଛି ।