ସ୍ୱାମୀର ଟାଙ୍ଗିଆ ଚୋଟରେ ସ୍ତ୍ରୀ ମୃତ
ବରଗଡ଼: ବାରକୋଟ ଥାନା ଅନ୍ତର୍ଗତ କଲା ଗ୍ରାମର ବାରହତା ସାହିରେ ଆଜି ସନ୍ଧ୍ୟାସମୟରେ ଜଣେ ମଦ୍ୟପ ସ୍ୱାମୀର ଟାଙ୍ଗିଆ ଚୋଟରେ ସ୍ତ୍ରୀର ମୃତ୍ୟୁ ଘଟିଛି l ମିଳିଥିବା ସୂଚନା ଅନୁଯାୟୀ, କଲା ଗ୍ରାମ ବାରହତା ସାହିରେ ରହୁଥିବା ସମ୍ବାରୁ ଶବର (୪୫)ଙ୍କର ସ୍ତ୍ରୀ ମେଘି ଶବର (୪୦)ଙ୍କ ସହ ଟଙ୍କା ପଇସାକୁ କେନ୍ଦ୍ରକରି ଆଜି ଅପରାହ୍ନ ସମୟରେ ପାଟି ତୁଣ୍ଡ ହୋଇଥିଲା । ତେବେ କିଛି ସମୟ ପରେ ପୁଣିଥରେ ଉଭୟଙ୍କ ମଧ୍ୟରେ ପାଟିତୁଣ୍ଡ ହେବାରୁ ନିଶାସକ୍ତ ଥିବା ସମ୍ବlରୁ ଘରେ ଥିବା ଟାଙ୍ଗିଆ ସାହାଯ୍ୟରେ ସ୍ତ୍ରୀ ମେଘିକୁ ଆକ୍ରମଣ କରିଥିଲା l ଫଳରେ ଘଟଣାସ୍ଥଳରେ ମେଘିର ଶୋଚନୀୟ ମୃତ୍ୟୁ ଘଟିଥିଲା l
Sambad is now on WhatsApp
Join and get latest news updates delivered to you via WhatsApp
ହତ୍ୟାକାଣ୍ଡ ପରେ ଗ୍ରାମବାସୀଙ୍କଠାରୁ ସୂଚନାପାଇ ବାରକୋଟ ଥାନା ଅଧିକାରୀ ଚିତ୍ତ ରଞ୍ଜନ ବେହେରା ସଦଳବଳେ ଘଟଣାସ୍ଥଳରେ ପହଂଚି ଅଭିଯୁକ୍ତ ସମ୍ବାରୁକୁ ଅଟକ ରଖିବା ସହ ମୃତଦେହ ଜବତ କରିଥିଲେ । ଏହାସହିତ ଘଟଣା ଜଟିଳ ଥିବା ହେତୁ ଏସଡିପିଓ ସୁଲେମାନ ଏକ୍କା ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଥିବା ଜଣାପଡିଛି l