ଦନ୍ତା ହାତୀ ଉପଦ୍ରବରେ ୩ ଆହତ, ୨ ବଖରା ଘର ଭାଙ୍ଗିଲା
ଛେଣ୍ଡିପଦ:ଅନୁଗୁଳ ଜିଲ୍ଲା ଛେଣ୍ଡିପଦା ବ୍ଲକ ଗୋଳାଗାଡ଼ିଆ ଗ୍ରାମରେ ହାତୀ ଆକ୍ରମଣରେ ତିନି ଜଣ ଗୁରୁତର ଆହତ ହେବା ସହିତ ହାତୀ ଦୁଇ ବଖରା ଘର ଭାଙ୍ଗି ଦେଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଛେଣ୍ଡିପଦା ରେଞ୍ଜ ମଣ୍ଡୁଆ ଗ୍ରାମରେ ଦନ୍ତାହାତୀ ଗତକାଲି ରାତି ୧୦ ଟାରେ ଗୋଳାଗାଡ଼ିଆ ଗ୍ରାମର ବିର ସାହୁଙ୍କ ଅଜବେଷ୍ଟସ ଓ ଚାଳ ଛପର ଘର ଦୁଇବଖରା ଭାଙ୍ଗି ନଷ୍ଟ କରିଥିଲା। ଘର ଭାଙ୍ଗିବା ସମୟରେ ଘରେ ଥିବା ବିର ସାହୁଙ୍କ ପୁଅ ଅଜିତ(୨୫)ଙ୍କୁ ଶୁଣ୍ଢରେ କଚାଡି ଦେଇଥିଲା। ପରିବାର ଲୋକେ ଅଜିତକୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ। ହାତୀକୁ ଘଉଡେଇବାକୁ ଉଦ୍ୟମ କରୁଥିବା ବେଳେ ପଡୋଶୀ କରୁଣାକର ସାହୁ(୩୯) ଓ ମହେଶ୍ୱର ସାହୁ(୪୯) ହାତୀ ଆକ୍ରମଣର ଶିକାର ହୋଇ ଆହତ ହୋଇଥିଲେ। ହାତୀ ଆକ୍ରମଣରୁ ଅଳ୍ପକେ ରକ୍ଷା ପାଇଥିବା ତିନିଜଣଙ୍କୁ ଛେଣ୍ଡିପଦା ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ଗତ ୯ ମାସ ହେବ ହାତୀ ସମସ୍ୟା ନଥିବା ବେଳେ ଏବେ ପୁଣି ହାତୀଙ୍କ ଏଭଳି ଉତପାତ ଅଞ୍ଚଳବାସୀଙ୍କ ପାଇଁ ମୁଣ୍ଡବ୍ୟଥାର କାରଣ ପାଲଟିଛି।