ଦେଶୀ ମଦ ତିଆରି କରୁଥିବା ଅଭିଯୋଗରେ ୮ ଜଣ ଅଭିଯୁକ୍ତଙ୍କୁ ଗିରଫ କଲା ଅବକାରୀ ପୁଲିସ
ରାଉରକେଲା: ରାଉରକେଲାରେ ଦେଶୀ ମଦ ତିଆରି କରୁଥିବା ଅଭିଯୋଗରେ ୮ ଜଣ ଅଭିଯୁକ୍ତ ଗିରଫ। ଅବକାରୀ ପୁଲିସ ୮ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି। ଗିରଫ ଅଭିଯୁକ୍ତମାନେ ହେଲେ ଦୁର୍ଗାପୁର ଓ ବାଗବୁଡ଼ି ଅଞ୍ଚଳର ଅମାସୀ ବାରିକ, ଇନ୍ଦ୍ରା ଲାକ୍ରା, ଗୋପାଳ ମୁଣ୍ଡାରୀ, ରଘୁନାଥ ବଡ଼ାଇକ, କାଦମ୍ବିନୀ ମୁଣ୍ଡାରୀ, ସୁକରମଣୀ ମୁଣ୍ଡାରୀ, ତାରାମଣୀ ମୁଣ୍ଡାରୀ ଓ ଶ୍ରୀୟାମଣୀ ମୁଣ୍ଡାରୀ।
Sambad is now on WhatsApp
Join and get latest news updates delivered to you via WhatsApp
ଅଭିଯୁକ୍ତମାନଙ୍କଠାରୁ ୨୪୪ ଲିଟର ଦେଶୀ ମଦ ଜବତ କରାଯାଇଛି। ଏହା ସହ ଜବତ ୩୬୦୦ କେଜି ମହୁଲ ପୋଚକୁ ନଷ୍ଟ କରିଦିଆଯାଇଛି। ଦୀର୍ଘ ଦିନ ହେଲା ମଧୁସୂଦନପଲ୍ଲୀ, ମାଲଗୋଦାମ, ଦୁର୍ଗାପୁର, ବାଗବୁଡ଼ି ବସ୍ତିରେ ଅନୈତିକଭାବେ ଦେଶୀ ମଦ ତିଆରି ଓ ବିକ୍ରି ହେଉଥିବା ନେଇ ଅବକାରୀ ପୁଲିସ ସୂଚନା ପାଇଥିଲା। ସୂଚନାକୁ ଭିତ୍ତିକରି ଅବକାରୀ ଇନ୍ସପେକ୍ଟର ସ୍ନେହଲତା ନାୟକଙ୍କ ନେତୃତ୍ବରେ ଏକ ଦଳ ଆଜି ଅତର୍କିତ ଚଢ଼ଉ କରି ଅଭିଯୁକ୍ତମାନଙ୍କୁ କାବୁ କରିଥିଲା।