ବାଇକରେ ଯିବାବେଳେ ମୋବାଇଲରେ କଥା ହେବା ମହଙ୍ଗା ପଡ଼ିଲା, ୬ ହଜାର ଟଙ୍କା ଜରିମାନା
ଭଦ୍ରକ: ବାଇକ ଚଲାଇବା ବେଳେ ମୋବାଇଲରେ କଥା ହେବା ମହଙ୍ଗା ପଡିଲା। ଫଳରେ ବାଇକ ଚାଳକଙ୍କୁ ୬ ହଜାର ଟଙ୍କାର ଫାଇନ୍ ଦେବାକୁ ପଡ଼ିଛି। ଭଦ୍ରକ ଟାଉନ ପୁଲିସ ଏହି କାର୍ଯ୍ୟାନୁଷ୍ଠାନ ନେଇଛି। ଭଦ୍ରକ ସହରର ବନ୍ତ ଛକ ନିକଟରେ ଟାଉନ ପୁଲିସ ଚେକିଂ କରୁଥିବା ବେଳେ କଳାହାଣ୍ଡିଆ ଗ୍ରାମର ଚନ୍ଦ୍ରକାନ୍ତ ମଲ୍ଲିକ ନାମକ ଜଣେ ଯୁବକ ବାଇକ ଚଳାଉଥିବା ବେଳେ ମୋବାଇଲରେ କଥା ହେଉଥିଲେ। ଯାହା ପୁଲିସ୍ ନଜରରେ ପଡ଼ିଥିଲା। ମୋବାଇଲରେ କଥା ହେଉଥିବା ଦେଖି ପୁଲିସ ଉକ୍ତ ଯୁବକଙ୍କୁ ଅଟକାଇଥିଲା। ଏହା ପରେ ପୁଲିସ୍ ନିୟମ ଉଲ୍ଲଙ୍ଘନ କରିଥିବାରୁ ଯୁବକଙ୍କ ଉପରେ ୬ହଜାର ଟଙ୍କା ଫାଇନ୍ ଆଦାୟ କରିଥିଲା।
Sambad is now on WhatsApp
Join and get latest news updates delivered to you via WhatsApp
ଯୁବକଙ୍କ ଉପରେ ଗାଡ଼ି ଚଲାଇବା ବେଳେ ମୋବାଇଲରେ କଥା କାରଣରୁ ୧୮୪ (ସି) ଧାରା ସହ ୫ହଜାର ଟଙ୍କା ଓ ବିନା ହେଲମେଟରେ ଗାଡ଼ି ଚଳାଇବା କାରଣରୁ ୧୯୪(ଡି) ଧାରା ସହ ୧ହଜାର ଟଙ୍କାର ଫାଇନ କଟାଯାଇଛି। ଏ ନେଇ ଟାଉନ ଥାନା ଅଧିକାରୀ ସୂଚନା ଦେଇଛନ୍ତି।
ସୂଚନାଯୋଗ୍ୟ, ଚଳିତ ବର୍ଷ ଜାନୁଆରୀ ୧ ତାରିଖରୁ ଟ୍ରାଫିକ୍ ନିୟମ କଡ଼ାକଡ଼ି ହୋଇଥିଲା। ନୂଆ ନିୟମ ଅନୁଯାୟୀ, ବାଇକରେ ଦୁଇଜଣ ଯାଉଥିଲେ, ଡବଲ୍ ହେଲମେଟ୍ ବାଧ୍ୟତାମୂଳକ। ଏହାଛଡ଼ା ଫାଇନ୍ ଆଦାୟକୁ ମଧ୍ୟ ଅଧିକ କଡ଼ାକଡ଼ି କରିଛନ୍ତି ରାଜ୍ୟ ସରକାର।