ସିକୋ: ଖୋର୍ଦ୍ଧା ସିକୋ ନିକଟ ବୋତଳମା ବେଆଇନ ବାଲି ଚାଲାଣ କରୁଥିବାବେଳେ ଦୁଇଟି ବାଲି ବୋଝେଇ ହାଇୱାକୁ ରାଜସ୍ୱ ବିଭାଗ ଟିମ୍ ଜବତ କରି ଜରିମାନା ଆଦାୟ କରିଛି । ଗତକାଲି ସକାଳେ ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟ ନିକଟରେ କ୍ୟାମ୍ପ କୋର୍ଟ ଚାଲିଥିଲା । ଅତିରିକ୍ତ ତହସିଲଦାର ସନାତନ ଆଚାର୍ଯ୍ୟ ଓ ସୁପରଭାଇଜର କୃଷ୍ଣଚନ୍ଦ୍ର ମହାପାତ୍ର ଏକ ଜାଗା ଜବରଦଖଲକାରୀଙ୍କ ଠାରୁ ଜରିମାନା ଆଦାୟ କରି ଫେରୁଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହି ସମୟରେ ବୋତଳମା ନିକଟରେ ଦୁଇଟି ବାଲିବୋଝେଇ ହାଇୱା ସେମାନଙ୍କୁ ଦେଖି ଟ୍ରକ ଚାଳକ ଟ୍ରକ ସହ ଫେରାର୍ ହେବାକୁ ଚେଷ୍ଟା କରିଥିଲେ । ଶେଷରେ ଗାଁ ଭିତରେ ଟ୍ରକ୍ ଦୁଇଟିକୁ ଥୋଇ ସେଠାରୁ ଚମ୍ପଟ ମାରିଥିଲେ । ଏହାପରେ ଅତିରିକ୍ତ ତହସିଲଦାର ଉକ୍ତ ହାଇୱା ଦୁଇଟିକୁ ଜବତ କରିନେଇଯାଇଥିଲେ । ଯାଂଚରେ ଉଭୟ ହାଇୱାଗୁଡ଼ିକର ପଂଜୀକରଣ ଓ ପରିବହନ ସଂପର୍କୀତ ନଥିପତ୍ର ନଥିବା ଜଣାଯାଇଛି ।