ଜଗତସିଂହପୁର ଟାଉନ୍: ଦୀର୍ଘ ଦିନ ଧରି କରୋନା ମୁକ୍ତ ହୋଇ ଗ୍ରୀନ୍ ଜୋନ୍ରେ ରହିଥିବା ଜଗତସିଂହପୁର ଜିଲ୍ଲା ଏବେ ଅରେଞ୍ଜ ଜୋନ୍ରେ । ଲଗାତାର ଭାବେ କରୋନା ପଜିଟିଭ୍ ବାହାରିବା ପରେ ଏବେ କିନ୍ତୁ ସ୍ଥିତି ବିଗିଡ଼ିବାରେ ଲାଗିଛି । ଗ୍ରୀନ୍ ଜୋନ୍ରୁ ଆରମ୍ଭ ହୋଇଥିବା ଯାତ୍ରା ଏବେ ରେଡ୍ ଜୋନ୍ ଆଡ଼କୁ ଗତି କରୁଛି । ପ୍ରଶାସନ ଯେତେ ସଜାଗ ରହିଲେ ବି ଢ଼ୋଲ ଭିତରେ ମୂଷା ପଶି ଖୋଳ କଲା ଭଳି କିଛି ଗୁରୁତ୍ୱପୂର୍ଣ୍ଣ କାରଣ ପାଇଁ ଜିଲ୍ଲା ଓ ଜିଲ୍ଲାବାସୀ ବିପଦ ମୁହଁକୁ ଠେଲି ହୋଇ ଯାଉଥିବା କୁହାଯାଉଛି । କରୋନା ପଜିଟିଭ୍ ବାହାରିବା ପରେ ବି ଲୋକେ ସଚେତନ ହେଉନାହାନ୍ତି । ପୁଲିସ ପକ୍ଷରୁ ମଧ୍ୟ କୋହଳ ଆଭିମୁଖ୍ୟ ଦେଖିବାକୁ ମିଳୁଛି । ପ୍ରତିଦିନ ସନ୍ଧ୍ୟା ୭ଟାରୁ ସକାଳ ୭ଟା କର୍ଫ୍ୟୁ ଲଗାଯାଇଥିଲେ ହେଁ ଏହାକୁ ଲୋକେ ମାନୁ ନଥିବା ଦେଖିବାକୁ ମିଳୁଛି । ଯାହା ବିପଦର ଆଶଙ୍କା ବଢ଼ାଉଛି ।
Sambad is now on WhatsApp
Join and get latest news updates delivered to you via WhatsApp
ଦୀର୍ଘ ଦେଢ଼ ମାସ ଧରି ଜିଲ୍ଲା ପ୍ରଶାସନର କଡ଼ା କଡ଼ା ନିୟମ ପାଳନ ଯୋଗୁଁ ଜିଲ୍ଲାକୁ କରୋନା ଛୁଇଁ ପାରି ନଥିଲା । ହେଲେ ବିଦେଶରୁ ନିଜ ଘରକୁ ଫେରୁଥିବା ପ୍ରବାସୀ ଓଡ଼ିଆ ଫେରିବା ପରେ ବିପଦ ମୁହଁରେ ପଡ଼ିଛି ଜଗତସିଂହପୁର । ଗତ ୬ ତାରିଖରେ ଏକାଥରେ ଚଉକା ମାରି ଜିଲ୍ଳାରେ କରୋନା ଖାତା ଖୋଲିଛି । ଏହାପରେ କୋଲକତା ଫେରନ୍ତା ଜଣେ ଆକ୍ରାନ୍ତ ହୋଇଛନ୍ତି । ଏହି ସଂଖ୍ୟା ଆହୁରି ବଢ଼ିବାର ଯଥେଷ୍ଟ ସମ୍ଭାବନା ରହିଛି ।
ଜିଲ୍ଲା ପ୍ରଶାସନର ସୂଚନା ଅନୁସାରେ ୭ ତାରିଖ ଯାଏ ରାଜ୍ୟ ବାହାରୁ ଆସିଥିବା ପ୍ରବାସୀଙ୍କ ମଧ୍ୟରେ ତେଲେଙ୍ଗାନା-ହାଇଦ୍ରାବାଦରୁ ୫୧ । ସେହିପରି କେରଳରୁ ୨୧ ଜଣ, ରାଜସ୍ଥାନ-କୋଟାରୁ ୧୬ ଜଣ, ଗୁଜୁରାଟ-ସୁରଟରୁ ୨୫ ଜଣ, କର୍ଣ୍ଣାଟକ-ବାଙ୍ଗାଲୁରରୁ ୨୪ ଜଣ, ଛତିଶଗଡ଼ରୁ ୬ ଜଣ, କୋଲକାତା ୨୬ ଜଣ, ଆନ୍ଧ୍ରପ୍ରଦେଶରୁ ୫ ଜଣ, ମଧ୍ୟପ୍ରଦେଶରୁ ଜଣ, ମହାରାଷ୍ଟ୍ର-ମୁମ୍ବାଇ ୯ ଜଣ, ଝାଡଖଣ୍ଡରୁ ୫ ଜଣ ଏବଂ ଉତ୍ତର ପ୍ରଦେଶରୁ ଜଣେ ଆସିଛନ୍ତି । ରାଜ୍ୟ ବାହାରୁ ଜିଲ୍ଲାକୁ ମୋଟ ୧୯୦ ଜଣ ଆସିଛନ୍ତି । ଏହାକୁ ଛାଡ଼ି ରାଜ୍ୟ ଭିତରୁ ଅନୁଗୁଳରୁ ୨ ଜଣ, ଯାଜପୁରରୁ ୪ ଜଣ, କେନ୍ଦ୍ରାପଡ଼ାରୁ ଜଣେ, ଭଦ୍ରକ ଜଣେଙ୍କୁ ମିଶାଇଲେ ରାଜ୍ୟ ବାହାର ଓ ଜିଲ୍ଲା ବାହାରକୁ ମିଶାଇଲେ ମୋଟ -୨୦୫ ଜଣ ଜିଲ୍ଲାକୁ ଆସିଛନ୍ତି ।
ଜଗତସିଂହପୁର ବ୍ଳକ୍କୁ ୧୯ ଜଣ, ରଘୁନାଥପୁର ବ୍ଳକ୍କୁ ୨୧ ଜଣ, ବିରିଡ଼ି ବ୍ଳକ୍କୁ ୭ ଜଣ, କୁଜଙ୍ଗ ବ୍ଲକ୍କୁ ୧୫ ଜଣ, ବାଲିକୁଦା ବ୍ଳକ୍କୁ ୨୫ ଜଣ, ଏରସମା ବ୍ଳକ୍କୁ ୧୬ ଜଣ, ନାଉଗାଁ ବ୍ଳକ୍କୁ ୩୫ ଜଣ, ତିର୍ତ୍ତୋଲ ବ୍ଳକ୍ ୩୮ ଜଣ, ଜଗତସିଂହପୁର ପୌରାଚଂଳ ୮ ଜଣ ଏବଂ ପାରାଦୀପ ପୌରାଞ୍ଚଳ ୧୦ ଜଣ ଯାଇଛନ୍ତି । ଏାମନଙ୍କର ସ୍ୱାବ୍ ସଂଗ୍ରହ କରାଯାଇ ଟେଷ୍ଟ କରାଯାଇଛି ।
ପ୍ରଶାସନର ସୂଚନା ଅନୁସାରେ ୭ ତାରିଖ ଯାଏଁ ୭୦ ଜଣଙ୍କର ଟେଷ୍ଟ ରିପୋର୍ଟ ମଧ୍ୟରେ ୫ ଜଣଙ୍କର ନେଗେଟିଭ୍ ବାହାରିଥିଲା । ଗତକାଲି ଆହୁରି ପଶ୍ଚିମବଙ୍ଗ, ଗୁଜୁଟାଟ-ସୁରଟ, ମଧ୍ୟପ୍ରଦେଶ, ଉତ୍ତରପ୍ରଦେଶ, ତେଲେଙ୍ଗାନା ଓ ଆନ୍ଧ୍ରପ୍ରଦେଶରୁ ଆସିଥିବା ଆସିଥିବା ୩୩ ଜଣଙ୍କର ସ୍ୱାବ୍ ଟେଷ୍ଟ ରିପୋର୍ଟ ନେଗେଟିଭ୍ ଆସିଛି । ବାକି ରିପୋର୍ଟ ଯାଇଥିଲେ ହେଁ ଟେଷ୍ଟ ରିପୋର୍ଟ ଦିଆଯାଇନାହିଁ । ଏଥିରେ ଏକ ଆସ୍ୱସ୍ଥି କର କଥା ହେଉଛି କଣ୍ଟୁଣିଆହାଟରୁ ବାହାରିଥିବା ଚାରି ଜଣ ପଜିଟିଭ୍ଙ୍କ ସହ ବାଲିକୁଦାର ଜଣେ ଲୋକ ଗାଡ଼ିରେ ଆସିଥିଲେ । ତେବେ ତାଙ୍କୁ କରୋନା ହୋଇଥାଇ ପାରେ ବୋଲି କୁହାଯାଉଥିଲା । ହେଲେ ତାଙ୍କର ନେଗେଟିଭ୍ ଆସିଛି ।
ଜିଲ୍ଲାରେ ୧୯୮ ଅସ୍ଥାୟୀ ସ୍ୱାସ୍ଥ୍ୟ କେନ୍ଦ୍ରିରେ ବର୍ତ୍ତମାନ ସୁଧା ୯୪୮୫ଟି ଶଯ୍ୟାର ବ୍ୟବସ୍ଥା କରାଯାଇଛି । ପାରାଦୀପରେ ୧ କୋଟି ୨୫ ଲକ୍ଷ ଟଙ୍କାରେ କୋଭିଡ ହସ୍ପିଟାଲ ନିର୍ମାଣକରାଯାଇଛି । ଏଥିରେ ୫ଟି ଆଇସିୟୁ ୫୦ ଟି ଶଯ୍ୟା କରାଯାଇଛି । ଏସ୍ଭିଏମ୍ କଲେଜରେ ମଧ୍ୟ ସଙ୍ଗରୋଧ କେନ୍ଦ୍ର କରାଯାଇଛି । ଜିଲ୍ଲା ପ୍ରଶାସନ ଗୁରୁତ୍ୱ ଦେଇ କରୋନା ମୁକାବିଲା କରିବାକୁ ଅଣ୍ଟା ଭିଡ଼ିଛି । ହେଲେ କିଛି କ୍ଷେତ୍ରରେ ସମସ୍ୟା ବଢ଼ିବାରେ ଲାଗିଛି ।