ଆନନ୍ଦପୁର: ପୁଲିସ୍ ଓ ବନ ବିଭାଗର ମିଳିତ ଚଢଉ, ଲକ୍ଷାଧିକ ଟଙ୍କାର କାଠ ଜବତ
ଆନନ୍ଦପୁର: କେନ୍ଦୁଝର ଜିଲ୍ଲାର ଆନନ୍ଦପୁର ଉପଖଣ୍ଡର ଚମ୍ପାପାଳ ଗାଁରେ ଘଷିପୁରା ପୁଲିସ୍ ଓ ଦେଓଗାଁ ବନ ବିଭାଗର ମିଳିତ ଚଢଉ ହୋଇଥିବାର ଖବର ମିଳିଛି। ଏଠାରୁ ଲକ୍ଷାଧିକ ଟଙ୍କାର କାଠ ଜବତ ହୋଇଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଆଜି ସକାଳୁ ବିଶେଷ ସୂତ୍ରରୁ ଖବର ପାଇ ଦେଓଗାଁ ବନ ବିଭାଗ ଓ ଘଷିପୁରା ଥାନା ପୁଲିସର ଏକ ଟିମ୍ ଚମ୍ପାପାଳ ଗାଁରେ ଚଢଉ କରିଥିଲା। ଅନେକ ସମୟରେ ଏହି ଗାଁରେ ଚୋରା କାଠ କାରବାରର ଅଭିଯୋଗ ହେଇ ଆସୁଥିଲା। ତେବେ ଆଜି ବନ ବିଭାଗ ଓ ପୁଲିସକୁ ଏକ ବଡ଼ ସଫଳତା ମିଳିଛି।
ଆନନ୍ଦପୁର ଡିଏଫଓଙ୍କ ତତ୍ତ୍ବାବଧାନରେ ଦେଓଗାଁ ରେଞ୍ଜର, ଫରେଷ୍ଟର ଓ ଅନ୍ୟାନ୍ୟ କର୍ମଚାରୀଙ୍କୁ ନେଇ ଏକ ଟିମ ଗଠନ କରାଯାଇଥିଲା। ଚଢଉରେ ଘଷିପୁରା ପୁଲିସ ସହଯୋଗ କରିଥିଲା। ଜବତ କାଠକୁ ଦେଓଗାଁ ରେଞ୍ଜ କାର୍ଯ୍ୟାଳୟକୁ ଅଣାଯାଇଥିବା ଜଣାଯାଇଛି।