ଖୋର୍ଦ୍ଧା: ୨୩ ମାର୍ଚ୍ଚ ୧୯୨୧ରେ ଓଡ଼ିଶାକୁ ମହାତ୍ମାଗାନ୍ଧୀ ପ୍ରଥମ ଥର ପାଇଁ ଆସିଥିଲେ । ଓଡ଼ିଶା ଆଗମନର ଶତବର୍ଷ ପାଳନ ଉପଲକ୍ଷେ ଖୋର୍ଦ୍ଧାର ବିଭିନ୍ନ ଶିକ୍ଷାନୁଷ୍ଠାନ ଓ ଜିଲ୍ଲା ପ୍ରଶାସନ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ଅବସରରେ ପ୍ରାଣନାଥ ସ୍ୱୟଂଶାସିକ ମହାବିଦ୍ୟାଳୟ ପରିସରରେ ଥିବା ମହାତ୍ମାଗାନ୍ଧୀଙ୍କ ପୂର୍ଣ୍ଣାବୟବ ପ୍ରତିମୂର୍ତି ଠାରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ମହାବିଦ୍ୟାଳୟର ଅଧ୍ୟକ୍ଷା ଡ ରଂଜିତା ସେଠୀ, ଅଧ୍ୟାପକ ସୁବୋଧ କୁମାର ଜଗଦେବ, ଅଧ୍ୟାପିକା ଡ ଅଜନ୍ତା ଶତପଥି, ସମାଜସେବୀ ପ୍ରସନ୍ନ ପାଇକରାୟଙ୍କ ସମେତ ଅନ୍ୟ ଅଧ୍ୟାପକ-ଅଧ୍ୟାପିକା ଓ ମହାବିଦ୍ୟାଳୟର ଛାତ୍ରଛାତ୍ରୀ ଯୋଗ ଦେଇ ମହାତ୍ମାଗାନ୍ଧୀଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରିଥିଲେ । ଏହାପରେ ମହାବିଦ୍ୟାଳୟରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ମହାତ୍ମାଗାନ୍ଧୀଙ୍କ ଓଡ଼ିଶା ଆଗମନର ସ୍ମୃତିଚାରଣ କରାଯାଇଥିଲା ।
ମହାତ୍ମାଗାନ୍ଧୀ ଆଗମନର ଶତବର୍ଷ ପୂର୍ତି ଅବସରରେ ମୋହନ ମହାପାତ୍ର ଗାନ୍ଧୀଙ୍କ ବେଶରେ ରାଜ୍ୟର ବିଭିନ୍ନ ସ୍ଥାନ ବୁଲି ଗାନ୍ଧୀଙ୍କ ବାର୍ତା ପ୍ରଚାର କରୁଛନ୍ତି । ଆଜି ଜିଲ୍ଲାପାଳଙ୍କ କାର୍ଯ୍ୟାଳୟରେ ଜିଲ୍ଲାପାଳ ସନତ କୁମାର ମହାନ୍ତିଙ୍କୁ ସାକ୍ଷାତ କରିଥିଲେ । ଜିଲ୍ଲାପାଳଙ୍କୁ ଖଦି ଓ ଗ୍ରାମୋଦ୍ୟୋଗ ସମ୍ପର୍କିତ ଏକ ପ୍ଲାକାର୍ଡ ଉପହାର ଦେଇଥିଲେ ।