ଜେଲ ପାଚେରୀ ଡେଇଁ ଚମ୍ପଟ ମାରିଲା କଏଦୀ
ସୋର: ସୋର ସବ ଜେଲର ପିଛା ଛାଡ଼ୁନି ବିବାଦ | ବିଭିନ୍ନ ସମୟରେ ସୋର ସବ ଜେଲରେ ବିଭିନ୍ନ ଅନିୟମିତତାକୁ ନେଇ ଚର୍ଚ୍ଚା ଲାଗିରହିଛି । ତେବେ ଆଜି ସୋର ଜେଲରେ ଦୁଷ୍କର୍ମ ମାମଲାରେ ଅଭିଯୁକ୍ତ ଥିବା ଜଣେ ବିଚାରାଧୀନ କଏଦୀ ପାଚେରୀ ଡେଇଁ ଚମ୍ପଟ ମାରିଛି | ମୟୁରଭଞ୍ଜ ଜିଲ୍ଲାର ଠାକୁରମୁଣ୍ଡା ଅଞ୍ଚଳର ସୁଦାମ ନାମକ ବିଚାରାଧିନ କଏଦୀ ଭାବେ ଆଜି ପାଚେରୀ ଡେଇଁ ଦୌଡ଼ି ଫେରାର ହୋଇଯାଇଥିବା ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ସୋର ଜେଲର ଭାବେ ପ୍ରିୟମ୍ବତା ପଣ୍ଡା ଆସିବାପରେ କିଛିଦିନ ତଳେ ଜେଲର କଏଦୀ ମାଡ଼ ମରା ଘଟଣା,ନିମ୍ନ ମାନର ଖାଦ୍ୟ ଦେଉଥିବା ଅଭିଯୋଗ, ଜଣେ କଏଦୀ ପାଇଖାନାରେ ଆତ୍ମହତ୍ୟା ଘଟଣା,ଜେଲ ଭିତରେ ମୋବାଇଲ ଜବତ ଘଟଣା ମଧ୍ୟ ଚର୍ଚ୍ଚା ଜୋର ଧରିଥିଲା । ଅନ୍ୟପଟେ ଫେରାର କଏଦୀଙ୍କୁ ଜେଲର ସମେତ ଜେଲ କର୍ମଚାରୀମାନେ ଏବେବି ଖୋଜାଖୋଜି କରୁଛନ୍ତି। ଏ ବିଷୟରେ ଜେଲର ପ୍ରିୟମ୍ବତା ପଣ୍ଡାଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ।