ରାଉରକେଲା : ଏନଜେସିଏସ ବୈଠଜରେ ତୁରନ୍ତ ମଜୁରି ଚୁକ୍ତିନାମା ଓ ଅନ୍ୟାନ୍ୟ ଦାବିରେ ସେଲ ପରିଚାଳନାଧୀନ ସମସ୍ତ ଇସ୍ପାତ କାରଖାନା ରେ ଆଜି ମିଳିତ ଟ୍ରେଡ଼ ୟୁନିୟନ ପକ୍ଷରୁ ଦିଆଯାଇଥିବା ଧର୍ମଘଟର ପ୍ରଭାବ ରାଉରକେଲା ରେ ଦେଖିବାକୁ ମିଳିଛି । ସିଟୁ , ବିଏମଏସ , ରାଉରକେଲା ଶ୍ରମିକ ସଂଘ, ଗାଙ୍ଗପୁର ମଜଦୁର ମଞ୍ଚ ସମେତ ୧୦ଟି ଶ୍ରମିକ ସଂଗଠନର କର୍ମକର୍ତ୍ତା ମାନେ ଆଜି ସକାଳୁ ଆରଏସପି ର ମୁଖ୍ୟ ଫାଟକ ଏବଂ ପାୱାର ଗେଟ ସମ୍ମୁଖରେ ଧାରଣା ଦେଇ ଏ ସିଫ୍ଟ ରେ କାରଖାନା କୁ ଯାଉଥିବା କର୍ମଚାରୀଙ୍କୁ ଛାଡିନଥିଲେ । ଫଳରେ ସେଠାରେ କିଛି ସମୟ ଲାଗି ଉତ୍ତେଜନା ଦେଖାଦେଇଥିଲା । ସଂଗେ ସଂଗେ ସେଠାରେ ମୁତୟନ ଥିବା ପୋଲିସ ଙ୍କ ହସ୍ତକ୍ଷେପ ଫଳରେ ସ୍ଥିତି ନିଅନ୍ତ୍ରଣ ରେ ରହିଛି । ମିଳିତ ଟ୍ରେଡ଼ ଇଉନିଅନର କର୍ମକର୍ତ୍ତା ମାନେ ବିଶ୍ରା ଛକ ରେ ବିକ୍ଷୋଭ ମଧ୍ୟ ପ୍ରଦର୍ଶନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଯୋଗ୍ୟଯେ ମଜୁରୀ ଚୁକ୍ତିନାମା ରେ ସେଲ କର୍ତ୍ତୃପକ୍ଷ ଟାଳ ଟୁଳ ନୀତି ଅବଲମ୍ବନ କରୁଥିବାରୁ ମିଳିତ ଶ୍ରମିକ ସଂଗଠନ ପକ୍ଷରୁ ସମସ୍ତ ସେଲ ପରିଚାଳନାଧୀନ ଇସ୍ପାତ କାରଖାନା ରେ ଧର୍ମଘଟ ର ଡାକରା ଦିଆଯାଇଛି । ଏହି ଧର୍ମଘଟ ଆଜି ସକାଳ ୬ ଟା ରୁ ଆରମ୍ଭ ହୋଇଥିବା ବେଳେ ରାଉରକେଲା ଇସ୍ପାତ କାରଖାନା କର୍ତ୍ତୃପକ୍ଷ ଧର୍ମଘଟକୁ ବେଆଇନ ଘୋଷଣା କରିଛନ୍ତି । ସେପଟେ ଧର୍ମଘଟ ପ୍ରଭାବରେ ଆରଏସପିର ଉତ୍ପାଦନ ବ୍ୟାହତ ହୋଇଛି କ୍ଷ ବିଭିନ୍ନ ବିଭାଗର ଅଧିକାରୀ ମାନେ ଠିକା ଶ୍ରମିକଙ୍କୁ ନେଇ କାମ କରୁଛନ୍ତି ।