ନୂଆପଡାରେ ବ୍ୟାପୁଛି କିଡନୀ ରୋଗ, ଝିତିରିଧୋଡା ଗ୍ରାମରେ ଚିକିତ୍ସା ନ ପାଇ ପଡ଼ିରହିଛନ୍ତି ୧୦ ରୋଗୀ
ଖଡିଆଳ: ନୂଆପଡା ଜିଲ୍ଲାର ଭୂତଳ ଜଳରେ ମାତ୍ରାଧିକ ଫ୍ଲୋରାଇଡ ଥିବା ଯୋଗୁଁ କିଡନୀ ରୋଗୀଙ୍କ ସଂଖ୍ୟା ବଢିବାରେ ଲାଗିଛି । ଯାହାଫଳରେ ରୋଗରେ ପ୍ରତିଦିନ ବ୍ଲକରେ ୨ ରୁ ୩ ଜଣଙ୍କ ମୃତ୍ୟୁ ହେଉଥିବା ଗଣମାଧ୍ୟମରେ ଖବର ପ୍ରକାଶିତ ହେଉିଛି । ହେଲେ ରାଜ୍ୟ ସରକାର ବର୍ତ୍ତମାନ ସୁଦ୍ଧା କୌଣସି ବିଧିବଦ୍ଧ ପଦକ୍ଷେପ ନେଇ ନ ଥିବାରୁ ସାଧାରଣରେ କୋକୁଆ ଭୟ ଖେଳିଯାଇଛି ।
Sambad is now on WhatsApp
Join and get latest news updates delivered to you via WhatsApp
ନୂଆପଡା ଜିଲ୍ଲା ଖଡିଆଳ ବ୍ଲକ ଝିତିରିଝୋଡା ଗ୍ରାମର ଦିଗମ୍ବର ଭୋଇ (୪୨) କିଡନୀ ରୋଗରେ ଆକ୍ରନ୍ତ ହୋଇ ମୃତ୍ୟୁ ସହ ସଂଗ୍ରାମ କରୁଛନ୍ତିା ସେ ଅନେକ ସରକାରୀ ବେସରକାରୀ ଚିକିତ୍ସାଳୟରେ ଚିକତ୍ସିତ ହେଲା ପରେ ମଧ୍ୟ ଭଲ ହୋଇନାହାନ୍ତିି । ହେଲେ ଅର୍ଥ ଅଭାବରୁ ସେ ଚିକିତ୍ସା କରି ନ ପାରି ଘରେ ପଡିରହିଛନ୍ତି। ତାଙ୍କର ସମ୍ବଳ ନ ଥିବାରୁ ତାଙ୍କ ସ୍ତ୍ରୀ ଗ୍ରାମର ଗାଇଗୋରୁ ଚରାଇ ଗୁଜୁରାଣ ମେଣ୍ଟାଉଥିବା ଦେଖିବାକୁ ମିଲିଛି ।
ଦିଗମ୍ବରଙ୍କ କାକା, ସାନଭାଇ ମଧ୍ୟ କିଡନୀ ରୋଗରେ ମୃତ୍ୟୁ ବରଣ କରିଛନ୍ତିି । ଏହି ଗ୍ରାମର ରମେଶ ତାଣ୍ଡି, ରଘୁନାଥ ତାଣ୍ଡି ମଡିଆଖାଇ ସତନାମୀ କିଡନୀରୋଗରେ ଆକ୍ରାନ୍ତ ହୋଇ ଦୁଖରେ ଦିନ କାଟୁଛନ୍ତି। ସୂଚନା ଥାଉକି ଏହି ଗ୍ରାମର କିଛିଦିନ ତଳେ ଖଗେଶ୍ୱର ଭୋଇ କିଡନୀ ରୋଗରେ ମୃତ୍ୟୁ ବରଣ କରିଥିଲେ । ବର୍ତ୍ତମାନ କିଡନୀରୋଗ ଆକ୍ରାନ୍ତଙ୍କ ସଂଖ୍ୟା ଗ୍ରାମରେ ବଢି ଚାଳିଥିବାରୁ କିଡନୀ ରୋଗୀମାନଙ୍କୁ ଉପଯୁକ୍ତ ଚିକିତ୍ସା ଯୋଗାଇଦେବା ପାଇଁ ଝିତିରିଧୋଡା ଗ୍ରାମବାସୀ ପ୍ରଶାସନକୁ ନିବେଦନ କରିଛନ୍ତି ।