ଭୁବନେଶ୍ୱର: ନିକଟରେ ରିଲାଏନ୍ସ ଜିଓ ପକ୍ଷରୁ ଆଇୟୁସି ଆଉଟଗୋଇଙ୍ଗ କଲ୍ ଉପରେ ଚାର୍ଜ ଲାଗୁ ହେବା ପରେ, ବିଭିନ୍ନ ଗଣମାଧ୍ୟମରେ ଏୟାରଟେଲ ପକ୍ଷରୁ ମଧ୍ୟ ସମାନଭାବେ ଭଏସକଲ ଗୁଡ଼ିକ ଉପରେ ଚାର୍ଜ ଲଗାଯିବାର ଯୋଜନା ଥିବା ଖବର ପ୍ରକାଶ ପାଇଥିଲା । ତେବେ ଏହି ରିପୋର୍ଟକୁ ଏୟାରଟେଲ୍ ପକ୍ଷରୁ ଆଜି ଖାରଜ କରାଯିବା ସହ ଏହା ସମ୍ପୂର୍ଣ୍ଣ ମିଥ୍ୟା ଓ ଭିତ୍ତିହୀନ ବୋଲି କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
କମ୍ପାନୀ ପକ୍ଷରୁ ଏକ ପ୍ରେସ ବିଜ୍ଞପ୍ତି ଜାରି କରି କୁହାଯାଇଛି ଯେ, ଏୟାରଟେଲର ଯେଉଁ ଗ୍ରାହକ ଅନଲିମିଟେଡ଼୍ ପ୍ୟାକରେ ଅଛନ୍ତି ସେମାନେ ଏୟାରଟେଲରୁ ଅନ୍ୟ ନେଟୱାର୍କକୁ କଲ କଲେ କୌଣସି ଦେୟ ଦେବାକୁ ପଡ଼ିବ ନାହିଁ । ଆଗକୁ ମଧ୍ୟ ଆଉଟଗୋଇଙ୍ଗ କଲ ଉପରେ ଦେୟ ଆଦାୟ କରିବାର କୌଣସି ଯୋଜନା ନାହିଁ ବୋଲି କମ୍ପାନି ପକ୍ଷରୁ କୁହାଯାଇଛି ।
କିଛି ଦିନତଳେ ରିଲାଏନ୍ସ ଜିଓ ଆଉଟଗୋଇଙ୍ଗ କଲ ଉପରେ ମିନିଟ ପିଛା ୬ ପଇସା ଆଦାୟ କରିବାକୁ ଘୋଷଣା କରିଥିଲା । ଏହାକୁ ନେଇ ଜିଓକୁ ସବୁଆଡୁ ସମାଲୋଚନା ସହିବାକୁ ପଡିଛି ।