‘ବଟାଲା ହାଉସ୍’ର ସ୍କ୍ରିନିଙ୍ଗ୍ ପରେ ଜନ୍ଙ୍କୁ ନ୍ୟାସ୍ନାଲ ଆଓ୍ଵାର୍ଡ ମିଳିବା ଦରକାର ବୋଲି ଦାବି କଲେ ପ୍ରଶଂସକ
ମୁମ୍ବାଇ : ବଲିଉଡ୍ ଅଭିନେତା ଜନ୍ ଆବ୍ରାହମ୍ଙ୍କ ଫିଲ୍ମ ବଟାଲା ହାଉସ୍ ଆସନ୍ତାକାଲି ସ୍ୱାଧୀନତା ଦିବସ ଅବସରରେ ରିଲିଜ୍ ହେବାକୁ ଯାଉଛି । ତେବେ ମଙ୍ଗଳବାର ଏହାର ସ୍ୱତନ୍ତ୍ର ସ୍କ୍ରିନିଙ୍ଗ ରଖାଯାଇଥିବା ବେଳେ ଫିଲ୍ମଟି ଦର୍ଶକଙ୍କୁ ଖୁବ୍ ପସନ୍ଦ ଆସିଥିବା ଜଣାପଡ଼ିଛି । ସ୍କ୍ରିନିଙ୍ଗ ସମୟରେ ବିଭିନ୍ନ ବଲିଉଡ୍ କଳାକାର ଓ ଫିଲ୍ମ ସମୀକ୍ଷକ ଉପସ୍ଥିତ ଥିବା ବେଳେ ସମୀକ୍ଷକମାନେ ଟୁଇଟ୍ କରି ନିଜର ପ୍ରତିକ୍ରିୟା ରଖିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଫିଲ୍ମକୁ ୫ଷ୍ଟାରରୁ ୪.୫ଷ୍ଟାର ଦିଆଯାଇଥିବା ବେଳେ ଏହା ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ‘ମିଶନ ମଙ୍ଗଲ’କୁ କଡ଼ା ଟକ୍କର ଦେବ ବୋଲି ମତ ରଖିଛନ୍ତି ସମୀକ୍ଷକ । ଏହା ସହ ଫିଲ୍ମରେ ଅଭିନେତା ଜନ୍ ଆବ୍ରାହମ୍ ଯେଉଁଭଳି ଭାବେ ଅଭିନୟ କରିଛନ୍ତି ତାଙ୍କୁ ନ୍ୟାସ୍ନାଲ ଆଓ୍ଵାର୍ଡ ମିଳିବା ଦରକାର ବୋଲି ତାଙ୍କ ପ୍ରଶଂସକମାନେ ଦାବି କରିଛନ୍ତି । ଏହା ସହ ଧାରାବହିକରୁ ଚଳଚ୍ଚିତ୍ର ଜଗତକୁ ଯାଇଥିବା ଅଭିନେତ୍ରୀ ମୃଣାଲ ଠାକୁରଙ୍କ ଅଭିନୟକୁ ମଧ୍ୟ ପ୍ରଶଂସା କରାଯାଇଛି । ଫିଲ୍ମଟି ୨୦୦୮ରେ ଦିଲ୍ଲୀର ଜାମିୟା ନଗରରେ ହୋଇଥିବା ବିବାଦୀୟ ଏନକାଉଣ୍ଟର ଉପରେ ଆଧାରିତ।