କଙ୍ଗନାଙ୍କ ଟିମ୍ରେ ନୱାଜୁଦ୍ଦିନ
ବଲିଉଡ୍ ଆକ୍ଟର ନୱାଜୁଦ୍ଦିନ ସିଦ୍ଦିକି ଖୁବ୍ ଶୀଘ୍ର ‘ଟିକୁ ୱେଡ୍ସ ଶେରୁ’ରେ ନଜର ଆସିବେ। ଏହି ଫିଲ୍ମର ନିର୍ମାତା ହେଉଛନ୍ତି ବଲିଉଡ୍ କୁଇନ୍ କଙ୍ଗନା ରାଣାୱତ। ନୱାଜୁଦ୍ଦିନ ଖୁବ୍ ଶୀଘ୍ର ଫିଲ୍ମରେ କାମ ଆରମ୍ଭ କରିବେ ବୋଲି ଜଣାପଡ଼ିଛି। କଙ୍ଗନାଙ୍କ ପ୍ରଡକ୍ସନ୍ ହାଉସ୍ ମଣିକର୍ଣ୍ଣିକା ଫିଲ୍ମସ୍ ସୋସିଆଲ୍ ମିଡିଆରେ ନୱାଜୁଦ୍ଦିନଙ୍କ ଫଟୋ ସେୟାର କରିବା ପରେ ଏହି ଖବର ସୁନିଶ୍ଚିତ ହୋଇଛି।
Sambad is now on WhatsApp
Join and get latest news updates delivered to you via WhatsApp
କଙ୍ଗନା ମଧ୍ୟ ନୱାଜଙ୍କ ଫଟୋ ସେୟାର କରି ତାଙ୍କୁ ଟିମ୍କୁ ସ୍ୱାଗତ କରିଥିଲେ। କଙ୍ଗନାଙ୍କ ଫିଲ୍ମ ମଣିକର୍ଣ୍ଣିକା ରିଟର୍ନସ୍କୁ ନେଇ ଅନେକ ସମସ୍ୟା ସୃଷ୍ଟି ହୋଇଥିଲା। ଫିଲ୍ମକୁ ନେଇ କଙ୍ଗନାଙ୍କ ବିରୋଧରେ କପିରାଇଟ୍ ଉଲ୍ଲଂଘନ ମାମଲା ମଧ୍ୟ ରୁଜୁ କରାଯାଇଥିଲା। କିନ୍ତୁ ଏଥିରେ ଅଟକି ନଯାଇ କଙ୍ଗନା ବର୍ତ୍ତମାନ ‘ଟିକୁ ୱେଡ୍ସ ଶେରୁ’ର ପ୍ରସ୍ତୁତିରେ ବ୍ୟସ୍ତ ଅଛନ୍ତି।