ରିଲିଜ୍ ହେଲା ରେଡିଓ ଚକଲେଟ୍ ୧୦୪ ଏଫ୍ଏମ୍ର ଦୁର୍ଗାପୂଜା ଗୀତ ‘ଦୁଲୁକୁଛି ପୂଜା ବଜାର’
ଭୁବନେଶ୍ୱର: ଶାରଦୀୟ ପାର୍ବଣରେ ମାଆ ଦୁର୍ଗାଙ୍କ ଆଗମନରେ ଘରେ, ବାହାରେ, ଗାଆଁରେ, ସହରରେ ସବୁଆଡେ ଆନନ୍ଦ ଖେଳିବାକୁ ଲାଗିଲାଣି । ଏହି ଶୁଭ ଅବସରରେ ରେଡିଓ ଚକଲେଟ୍ ୧୦୪ ଏଫ୍ .ଏମ୍. ତାର ଅଗଣିତ ଶ୍ରୋତାମାନଙ୍କ ପାଇଁ ପ୍ରସ୍ତୁତ କରିଛି ଏକ ଦୁର୍ଗାପୂଜା ଗୀତ ‘ଦୁଲୁକୁଛି ପୂଜା ବଜାର’, ଯାହାକି ଗତକାଲି ରିଲିଜ୍ ହୋଇଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ଗୀତଟିକୁ ଲେଖିଛନ୍ତି ଗୁରୁ ଶତପଥୀ ଏବଂ ସଙ୍ଗୀତରେ ସଜେଇଛନ୍ତି ସୌମିତ୍ରି ପଲାଇ। ଓଡ଼ିଶାର ନାଆଁକରା କଣ୍ଠଶିଳ୍ପୀ ସଂଗ୍ରାମ ମହାନ୍ତି ଓ ବର୍ଣ୍ଣାଳୀ ହୋତା ଗୀତଟିରେ କଣ୍ଠଦାନ କରିଛନ୍ତି । ଗୀତର ପ୍ରୋଗ୍ରାମିଂ ଜଗନ୍ନାଥ କରିଥିବା ବେଳେ ରେକଡିଂ ତଥା ମିକ୍ସିଂ କରିଛନ୍ତି ସାଉଣ୍ଡ ଇଞ୍ଜିନିୟର ସ୍ମୃତି ରଂଜନ । ଏହି ଦୁର୍ଗାପୂଜା ଗୀତର ଷ୍ଟୁଡିଓ ଭର୍ସନ୍ ଭିଡିଓରେ କ୍ୟାମେରା ଦାୟିତ୍ୱରେ ଅଛନ୍ତି ଅରୁଣ ମହାକୁଡ୍, ଗ୍ରାଫିକ୍ସ,ଏଡିଟିଂରେ ଅରୁଣ ଦାସ ଏବଂ ପୋଷ୍ଟର ଡିଜାଇନ୍ରେ ହାଡୁ କିଶୋର ଅଛନ୍ତି । ଗୀତଟିର ଭିଡିଓ ରେଡିଓ ଚକଲେଟ୍ ୟୁ ଟ୍ୟୁବ୍ ଚ୍ୟାନେଲ୍ରେ ଏବଂ ନନ୍ଦିଘୋଷ ୟୁ ଟ୍ୟୁବ୍ ଚ୍ୟାନେଲ୍ ରିଲିଜ୍ ହୋଇଛି ।