୫ବର୍ଷ ବୟସରୁ ନିଜ ଜନ୍ମ ଦିନରେ ଏହି ଖାସ୍ କାମ କରି ଆସୁଛନ୍ତି ପ୍ରିୟଙ୍କା ଚୋପ୍ରା
ମୁମ୍ବାଇ: ଆଜି ବଲିଉଡ୍ର ଦେଶୀ ଗର୍ଲ ପ୍ରିୟଙ୍କାଙ୍କ ଜନ୍ମଦିନ । ଆଜି ସେ ୩୬ ବର୍ଷରେ ପାଦ ରଖିଥିବା ବେଳେ ତାଙ୍କ ଜନ୍ମଦିନରେ ଅନେକ ବଡ଼ ବଡ଼ କଳାକାର ତାଙ୍କୁ ଶୁଭେଚ୍ଛା ଜଣାଇଥିବା ବେଳେ ତାଙ୍କ ପ୍ରଶଂସକମାନେ ମଧ୍ୟ ତାଙ୍କୁ ଶୁଭେଚ୍ଛା ଜଣାଇଛନ୍ତି ।
ତେବେ, ସବୁଠାରୁ ଖାସ୍ କଥା ହେଲା ତାଙ୍କ ଜନ୍ମଦିନରେ ତାଙ୍କ ମା’ ତାଙ୍କୁ ନେଇ ଏକ ବଡ଼ ଖୁଲାସା କରିଛନ୍ତି । ୫ବର୍ଷ ବୟସରୁ ନିଜ ଜନ୍ମଦିନରେ ପ୍ରିୟଙ୍କା କରୁଥିବା ଖାସ୍ କାମ ବିଷୟରେ ସେ ସମସ୍ତଙ୍କୁ ଜଣାଇଛନ୍ତି । ଏକ ସାକ୍ଷାତକାରରେ ଯୋଗ ଦେଇ ସେ ଏହାର ଖୁଲାସା କରିଛନ୍ତି । ତାଙ୍କ କହିବା ଅନୁଯାୟୀ, ପ୍ରିୟଙ୍କାଙ୍କୁ ୫ବର୍ଷ ହୋଇଥିବା ବେଳେ ସେ ନିଜ ଜନ୍ମଦିନରେ ଅନାଥ ଆଶ୍ରମ ଯିବା ଆରମ୍ଭ କରିଥିଲେ । ସେହି ଦିନଠାରୁ ପ୍ରିୟଙ୍କା ସବୁବେଳେ ନିଜ ଜନ୍ମଦିନରେ ଅନାଥ ପିଲାମାନଙ୍କ ସମୟ ବିତାଇବାକୁ ଲାଗିଥିଲେ । ଯାହା ଏବେ ପର୍ଯ୍ୟନ୍ତ ମଧ୍ୟ ସେ କରି ଆସୁଛନ୍ତି ବୋଲି ପ୍ରିୟଙ୍କାଙ୍କ ମା’ ମଧୁ ଚୋପ୍ରା କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ବଲିଉଡ୍ ସହ ହଲିଉଡ୍ରେ ରାଜ୍ କରୁଥିବା ପ୍ରିୟଙ୍କା ଏବେ ନିଜର ଆଗାମୀ ଫିଲ୍ମ ଭାରତକୁ ନେଇ ଖୁବ୍ ଉତ୍ସାହିତ ଅଛନ୍ତି । ଏଥିରେ ତାଙ୍କ ବିପକ୍ଷରେ ସଲମାନ ଥିବା ବେଳେ ଏତେ ଦିନ ପରେ ସଲମାନଙ୍କ ସହ ସ୍କ୍ରିନ୍ ସେୟାର କରିବାକୁ ନେଇ ଖୁବ୍ ଖୁସି ଅଛନ୍ତି ପ୍ରିୟଙ୍କା