ଭୁବନେଶ୍ୱର: ଓଲିଉଡ ସୁନ୍ଦରୀ ରୀୟା ଦେ ୨୦୧୦ ରେ ରିଲିଜ୍ ହୋଇଥିବା ଓଡ଼ିଆ ଛବି ‘ ପ୍ରେମ ଅଢେଇ ଅକ୍ଷର ’ ଜରିଆରେ ନାୟିକା ଭାବେ କ୍ୟାରିଅର୍ ଆରମ୍ଭ କରିଥିଲେ । ସୁଧାକର ବସନ୍ତଙ୍କ ନିର୍ଦ୍ଦେଶିତ ଏହି ସିନେମାରେ ଷ୍ଟାରସନ୍ ବାବୁସାନ୍ ବନିଥିଲେ ତାଙ୍କର ନାୟକ ।
ଏହାପରେ ପ୍ରତି ବର୍ଷ ନିୟମିତଭାବେ ସିନେମାରେ ନଜର ଆସିଛନ୍ତି ରୀୟା।
Sambad is now on WhatsApp
Join and get latest news updates delivered to you via WhatsApp
ତାଙ୍କ ଅଭିନୀତ ଅନ୍ୟ ସିନେମା ଭିତରେ ରହିଛି କ୍ରିମିନାଲ୍ – ଦ ରିଅଲ୍ ହିରୋ ,ଲଭ୍ ମାଷ୍ଟର୍ , ତୁ ମୋ’ ଦେହର ଛାଇ, ଇଡିଅଟ୍, ଗୋଲାପି ଗୋଲାପି, ପାଗଳ କରିଛୁ ତୁ, କଲେଜ୍ ଟାଇମ୍, ରଘୁପତି ରାଘବ ରାଜରାମ, ଏମିତି ବି ପ୍ରେମ ହୁଏ, ହରି ଓମ୍ ହରି, , କଳକୀ ,ତୁ ଯେ ସେଇ ଏବଂ କଥା ଦେଲି ମଥା ଛୁଇଁ ଆଦି । ୨୦୧୭ରେ ରୀୟାଙ୍କୁ କେବଳ ଗୋଟିଏ ସିନେମାରେ ଦେଖିବାକୁ ମିଳିଥିଲା । ହେଲେ ଏବର୍ଷ ଅନ୍ତତଃ ପକ୍ଷେ ତାଙ୍କୁ ଦୁଇଟି ଓଡ଼ିଆ ଛବିରେ ଦେଖିବାକୁ ପାଇବେ ଦର୍ଶକ । ଏଥିମଧ୍ୟରୁ ଗୋଟିଏ ହେଲା ଅଶୋକ କୁମାର ଦାସଙ୍କ ପ୍ରଯୋଜିତ ତଥା ଶ୍ରୀତମ ଦାସଙ୍କ ନିର୍ଦ୍ଦେଶିତ ‘ ଦିଓ୍ଵାନା ହେଲି ତୋ’ ପାଇଁ’ । ଏଥୀରେ ରୀୟା ଦେଙ୍କ ଅପୋଜିଟ୍ରେ ଅଛନ୍ତି ଜଣେ ନବାଗତା ମୁନ୍ନା । ଏହା ଛଡ଼ା ଏହି ସିନେମାରେ ସିଦ୍ଧାନ୍ତ, ଶ୍ରୀତମ ଦାସ, ଉଷସୀ ମିଶ୍ର, ଅମର , ଗୁଡୁ ଓ ପପୁ ପମ୍ ପମ୍ ପ୍ରମୁଖ ଅଛନ୍ତି ମୁଖ୍ୟ ଭୂମିକାରେ ।
ଠିକ୍ ସେହିପରି ରୀୟାଙ୍କ ଅନ୍ୟ ସିନେମା ହେଲା ‘ ଯୋଉଠି ଥିଲେ ବି ତୁ ମୋର’ । ଶ୍ରୀକାନ୍ତ ଗୌତମଙ୍କ ନିର୍ଦ୍ଦେଶିତ ଏହି ସିନେମାରେ ସମ୍ବିତ ଏବଂ ଆର୍ଯ୍ୟନ୍ ଦାଶ କୁମାର ଅଛନ୍ତି ଲିଡ ରୋଲରେ। ଏ ଦୁଇ ଓଡ଼ିଆ ସିନେମାରେ ନୂଆ ରୂପରେ ନଜର ଆସିବେ ରୀୟା।