ସାରାଙ୍କ ଚାଞ୍ଚଲ୍ୟକର ଖୁଲାସା: କାର୍ତ୍ତିକଙ୍କ ଗାଡ଼ିରେ ବସିବା ପାଇଁ ମୋତେ ଟଙ୍କା ମିଳୁଛି
ମୁମ୍ବାଇ : ବଲିଉଡ୍ରେ ଏବେ ଅଭିନେତା କାର୍ତ୍ତିକ ଆର୍ଯ୍ୟନ ଓ ଅଭିନେତ୍ରୀ ସାରା ଅଲ୍ଲୀ ଖାନ୍ଙ୍କ ପ୍ରେମ କାହାଣୀକୁ ନେଇ ଚର୍ଚ୍ଚା । ଦୁହେଁ ସାଥୀରେ ଫିଲ୍ମ କରିବା ସହ ଅନେକ ସମୟରେ ଦୁହେଁ ସାଥୀରେ ସମୟ କଟାଉଥିବାର ଦେଖାଯାଇଥାଏ । କିଛି ମାସ ତଳେ ସାରା ଓ କାର୍ତ୍ତିକ ବାଇକ୍ରେ ବୁଲୁଥିବାର ନଜର ଆସିଥିଲେ । ଯାହାର ଭିଡିଓ ମଧ୍ୟ ଭାଇରାଲ ହୋଇଥିଲା । ଦୁହେଁ ନିର୍ଦ୍ଦେଶକ ଇମ୍ତିଆଜ୍ ଅଲ୍ଲୀଙ୍କ ଫିଲ୍ମ ଲଭ୍ ଆଜ୍ କଲ-୨ର ସୁଟିଂ ଶେଷ କରିବା ପରେ ଏବେ ସାଥୀରେ ଅନେକ ସ୍ଥାନରେ ନଜର ଆସୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ଦିଲ୍ଲୀରେ ଆୟୋଜିତ ହୋଇଥିବା ଏକ ର୍ୟାମ୍ପ ସୋ’ରେ ପ୍ରଥମ ଥର ପାଇଁ ସାମିଲ ହୋଇଥିଲେ ସାରା । ଯେଉଁଠି ଆର୍ଯ୍ୟନ ଓ ସାରାଙ୍କ ଭାଇ ଇବ୍ରାହିମ୍ ତାଙ୍କୁ ଉତ୍ସାହିତ କରିବାକୁ ପହଞ୍ଚିଥିଲେ । ର୍ୟାମ୍ପ ସୋ’ ପରେ ସାରାଙ୍କୁ ଆର୍ଯ୍ୟନ ଓ ଇମ୍ତିଆଜ୍ ଅଲ୍ଲୀଙ୍କ ସହ କାମ କରିବାର ଅନୁଭବ ପଚରାଯାଇଥିଲା । ଯାହାର ଉତ୍ତର ରଖି, ମୋତେ ବହୁତ ଲାଗିଲା । ସବୁ ଦିନ ମୋ ପାଇଁ ମଜାଦାର ଥିଲା । ସେ ସମୟରେ ମୁଁ ସମସ୍ତଙ୍କୁ ଥଟ୍ଟାରେ କହୁଥିଲି କି, ଆର୍ଯ୍ୟନଙ୍କ ଗାଡ଼ି ପଛରେ ବସିବା ପାଇଁ ମୋତେ ଟଙ୍କା ମିଳୁଛି । କାରଣ ମୋତେ ଫିଲ୍ମ ପାଇଁ ଆର୍ଯ୍ୟନଙ୍କ ଗାଡ଼ି ପଛରେ ବସିବାକୁ ପଡ଼ୁଥିଲା ବୋଲି କହିଛନ୍ତି ସାରା ।