ସି ଫୁଡ୍ ଖାଇବା ମହଙ୍ଗା ପଡ଼ିଲା: ଡ଼ାକ୍ତରଖାନାରେ ପହଞ୍ଚିଲେ ବଲିଉଡ୍ କଣ୍ଠଶିଳ୍ପୀ ସୋନୁ ନିଗମ
ମୁମ୍ବାଇ: ବଲିଉଡ୍ କଣ୍ଠଶିଳ୍ପୀ ସୋନୁ ନିଗମଙ୍କୁ ସି ଫୁଡ୍ ଖାଇବା ମହଙ୍ଗା ପଡ଼ିଛି । ଖାଇବା ପରେ ପରେ ତାଙ୍କର ଗୋଟେ ଆଖି ଫୁଲି ଯାଇଥିବା ଦେଖା ଯାଇଛି । ନିଜ ସୋସିଆଲ ମିଡିଆ ଆକାଉଣ୍ଟରେ ସୋନୁ ଦୁଇଟି ଫଟୋ ସେୟାର କରିଛନ୍ତି । ଗୋଟେ ଫଟୋରେ ସୋନୁଙ୍କ ଆଖି ଫୁଲିଥିବା ଦେଖା ଯାଇଥିବା ବେଳେ ଆଉ ଏକ ଫଟୋରେ ସୋନୁ ଆଇସିୟୁରେ ଭର୍ତ୍ତିଥିବା ଦେଖା ଯାଇଛି । ଫଟୋ ପୋଷ୍ଟ କରିବା ପରେ ତାଙ୍କ ପ୍ରଶଂସକ ଫଟୋ ଉପରେ ନିଜ ନିଜର ପ୍ରତିକ୍ରିୟା ରଖିବା ଆରମ୍ଭ କରିଥିଲେ । ପରେ ପ୍ରଶଂସକମାନଙ୍କ ଚିନ୍ତା ଦେଖି ସୋନୁ ତାଙ୍କୁ ନିଜ ଇନ୍ଷ୍ଟା ଆକାଉଣ୍ଟରୁ ଧନ୍ୟବାଦ୍ ଜଣାଇଥିବା ଦେଖା ଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସୋନୁ ନିଗମଙ୍କୁ ସି ଫୁଡ୍ରୁ ଆଲର୍ଜି ଥିବା ବେଳେ ସେ ଜାଣି ଶୁଣି ସି ଫୁଡ୍ ଖାଇ ଦେଇଥିଲେ । ଯାହା ପରେ ତାଙ୍କ ଆଖି ହଠାତ୍ ଫୁଲିବାକୁ ଲାଗିଥିଲା । ତୁରନ୍ତ ତାଙ୍କୁ ନାନାବତୀ ଡ଼ାକ୍ତରଖାନା ନିଆଯାଇ ଚିକିତ୍ସା କରାଯିବା ପରେ ସେ ଏବେ ସୁସ୍ଥ ଥିବା ଜଣା ପଡ଼ିଛି । ନିଜେ ଜାଣି ଜାଣି ଯେଉଁ ଭୁଲ କରିଛନ୍ତି, ସେଭଳି ଭୁଲ ତାଙ୍କ ପ୍ରଶଂସକମାନେ ଯେମିତି ନ କରନ୍ତୁ,ସେ ନେଇ ଉପଦେଶ ଦେଇଛନ୍ତି ସୋନୁ ନିଗମ ।