ସୁଷମାଙ୍କ ବଡ଼ ପ୍ରଶଂସକ ଏହି ବଲିଉଡ୍ ଅଭିନେତ୍ରୀ, ବାୟୋପିକ୍ରେ ତାଙ୍କ ଭୂମିକାରେ ଆସିବାକୁ ରଖିଛନ୍ତି ଇଚ୍ଛା
ମୁମ୍ବାଇ : ପୂର୍ବତନ ବିଦେଶ ମନ୍ତ୍ରୀ ସୁଷମା ସ୍ୱରାଜ ମଙ୍ଗଳବାର ରାତିରେ ଏମ୍ସରେ ନିଜର ଶେଷ ନିଶ୍ୱାସ ତ୍ୟାଗ କରିଥିଲେ । ହଠାତ୍ ଏହି ଖବର ଆସିବା ପରେ ଲୋକେ ଆଶ୍ଚର୍ଯ୍ୟ ହୋଇ ଯାଇଥିଲେ । ୬୭ବର୍ଷ ବୟସରେ ତାଙ୍କ ବିୟୋଗ ହୋଇଥିବା ବେଳେ ରାଜନୀତି ଇତିହାସରେ ଏକ ଶୂନ୍ୟସ୍ଥାନ ସୃଷ୍ଟି ହେଲା ବୋଲି ଅନେକ ମତ ରଖିଥିଲେ । ତେବେ ଏହି ଖବର ଆସିବା ପରେ ଉଭୟ ରାଜନେତା ଓ କଳାକାର ତାଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ବଲିଉଡ୍ ଅଭିନେତ୍ରୀ ତାପ୍ସୀ ପନ୍ନୁ ମଧ୍ୟ ସୁଷମା ସ୍ୱରାଜଙ୍କୁ ଶ୍ରଦ୍ଧାଞ୍ଜଳି ଜଣାଇବା ସହ ତାଙ୍କ ଚରିତ୍ରରେ ପରଦାରେ ନଜର ଆସିବାକୁ ଚାହାନ୍ତି ବୋଲି ଇଚ୍ଛା ଜାହିର କରିଛନ୍ତି । ତାଙ୍କ ଅନୁଯାୟୀ, ମୁଁ ପିଲାବେଳୁ ସୁଷମାଜୀଙ୍କ ଜଣେ ବଡ଼ ପ୍ରଶଂସକ । ଯଦି କେବେ ମୋତେ ତାଙ୍କ ବାୟୋପିକ୍ରେ କାମ କରିବାକୁ ପଡ଼େ, ତେବେ ମୁଁ ତାହାକୁ ହାତଛଡ଼ା କରିବି ନାହିଁ । ପରଦାରେ ସୁଷମାଜୀଙ୍କ ଜୀବନ ବଞ୍ଚିବାର ସୁଯୋଗ ମୁଁ କେବେ ଛାଡ଼ିବି ନାହିଁ । ତାଙ୍କ ଭଳି ମହାନ ନେତ୍ରୀଙ୍କ ବାୟୋପିକ୍ରେ କାମ କରିବାକୁ କିଏ ବା ନଚାହିଁବ ।