ଇଣ୍ଡଷ୍ଟ୍ରି ଛାଡ଼ିବା ନେଇ ଘୋଷଣା କରିବା ପରେ ଜାଇରାଙ୍କ ସହ କଥା ହୋଇଥିଲେ ପ୍ରିୟଙ୍କା! କିନ୍ତୁ…
ମୁମ୍ବାଇ : ଅଭିନେତ୍ରୀ ଜାଇରା ଓ୍ଵସିମ୍ଙ୍କ ବଲିଉଡ୍ ଛାଡ଼ିବା ଘୋଷଣା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିଲା । ତାଙ୍କର ଏଭଳି ଘୋଷଣା ବଲିଉଡ୍କୁ ଦୁଇ ଭାଗ କରିଥିଲା । କିଛି ଲୋକ ତାଙ୍କ ନିଷ୍ପତ୍ତିକୁ ସମର୍ଥନ କରିଥିବା ବେଳେ କିଛି ବିରୋଧ କରିଥିଲେ । ଏବେ ଜାଇରାଙ୍କ ବଲିଉଡ୍ ଛାଡ଼ିବା ନେଇ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କୁ ପଚରାଯିବା ପରେ ସେ କହିଛନ୍ତି, ତାହା ଜାଇରାଙ୍କର ବ୍ୟକ୍ତିଗତ ନିଷ୍ପତ୍ତି ଥିଲା । ସେ କ’ଣ କରିବା ଦରକାର କ’ଣ ନୁହେଁ, ତାହା କହିବାକୁ ଆମେ କେହି ନୁହେଁ । ସେ ଜଣେ ଭଲ ଅଭିନେତ୍ରୀ । ଆମେ ସବୁବେଳେ ତାଙ୍କ ଭଲ ପାଇଁ କାମନା କରିବୁ ବୋଲି କହିଥିଲେ ପ୍ରିୟଙ୍କା ।
Sambad is now on WhatsApp
Join and get latest news updates delivered to you via WhatsApp
ଜାଇରାଙ୍କ ଏଭଳି ଘୋଷଣା ପରେ ଆପଣ ତାଙ୍କ ସହ କଥା ହୋଇଥିଲେ କି? ବୋଲି ପ୍ରିୟଙ୍କାଙ୍କୁ ପ୍ରଶ୍ନ କରାଯିବା ପରେ, ହଁ, ଆମେ ଅନେକ ଥର କଥା ହୋଇଛୁ । କିନ୍ତୁ ଫିଲ୍ମ ଇଣ୍ଡଷ୍ଟ୍ରି ବା କାମ କରିବାକୁ ନେଇ କେବେ କଥା ହୋଇ ନାହୁଁ । ସେ ବିଷୟ ସହ ମୋର କୌଣସି ସଂପର୍କ ନାହିଁ ବୋଲି କହିଥିଲେ ପ୍ରିୟଙ୍କା ।