ଉର୍ବଶୀଙ୍କ ସ୍ବପ୍ନ ଭାଙ୍ଗିଦେଇଥିଲେ ସୁସ୍ମିତା, ୨୦୧୨ରେ ହୋଇପାରିନଥିଲେ ‘ମିସ ୟୁନିଭର୍ସ’
ମୁମ୍ବାଇ: ବଲିଉଡ ଅଭିନେତ୍ରୀ ଉର୍ବଶୀ ରାଉତେଲାଙ୍କ ସ୍ବପ୍ନ ଭାଙ୍ଗିଦେଇଥିଲେ ଅଭିନେତ୍ରୀ ତଥା ପୂର୍ବତନ ‘ମିସ ୟୁନିଭର୍ସ’ ସୁସ୍ମିତା ସେନ | ୨୦୧୨ରେ ଉର୍ବଶୀଙ୍କ ପାଖରେ ‘ମିସ ୟୁନିଭର୍ସ’ ହେବାର ସୁଯୋଗ ଥିବା ବେଳେ ସୁସ୍ମିତାଙ୍କ ପାଇଁ ସେ ଏହାକୁ ଜିତି ପାରିନଥିବା କହିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଏକ ସାକ୍ଷାତକାରରେ ସେ କହିଛନ୍ତି ଯେ, “ଯେତେବେଳେ ମୁଁ ୨୦୧୨ରେ ପ୍ରଥମ ଥର ପାଇଁ ମିସ୍ ୟୁନିଭର୍ସ ଇଣ୍ଡିଆ ଜିତିଥିଲି, ସେତେବେଳେ ମିସ୍ ୟୁନିଭର୍ସରେ ଭାଗ ନେଇ ଭାରତ ପାଇଁ ଗୌରବ ଆଣିବି ବୋଲି ଭାବିଥିଲି | ହେଲେ ମିସ୍ ୟୁନିଭର୍ସରେ ଭାଗ ନେବା ପାଇଁ ଏକ ବୟସ ସୀମା ରହିଛି ବୋଲି ମୁଁ ଜାଣିନଥିଲି | ସେତେବେଳେ ମିସ୍ ୟୁନିଭର୍ସର ସହ-ମାଲିକ ଥିଲେ ଡୋନାଲ୍ଡ ଟ୍ରମ୍ପ। ସେ ସମୟରେ ଭାଗ ନେବା ପାଇଁ ବୟସ ସୀମା ୧୮ଥିଲା | ହେଲେ ମୁଁ ଏହା ଜାଣିନଥିଲି | ମୋର ବୟସ ୧୭ ଥିଲା ଏବଂ ୧୮ହେବାକୁ ୨୪ଦିନ ବାକି ଥିଲା | ଫେମିନା ମିସ୍ ଇଣ୍ଡିଆ ଦାୟିତ୍ୱ ନେଉନଥିବାରୁ ସେ ସମୟରେ ଭାରତରୁ କିଏ ମିସ୍ ୟୁନିଭର୍ସ ପ୍ରତିଯୋଗିତାରେ ଭାଗ ନେବ, ତାର ନିଷ୍ପତ୍ତି ନେଉଥିଲା ସୁସ୍ମିତା ସେନଙ୍କ କମ୍ପାନି | ବୟସ ହୋଇନଥିବାରୁ ମୁଁ ଭାଗ ନେଇ ପାରିବି ନାହିଁ ବୋଲି ମୋତେ କହିଥିଲେ ସୁସ୍ମିତା | ହେଲେ ମୁଁ ହାର ନମାନି ୨୦୧୫ରେ ପୁଣି ଥରେ ଭାଗ ନେଇ ମିସ୍ ୟୁନିଭର୍ସ ଟାଇଟେଲ ଜିତିଥିଲି |”