ଡାଇମଣ୍ଡ ପ୍ରିନ୍ସେସରେ ଥିବା ୧୩୮ ଭାରତୀୟଙ୍କୁ ଉଦ୍ଧାର କରିବା ଏବେ ସମ୍ଭବ ନୁହେଁ : ସ୍ୱାସ୍ଥ୍ୟମନ୍ତ୍ରୀ
ନୂଆଦିଲ୍ଲୀ : ଜାପାନ ଉପକୂଳରେ ଅଟକି ରହିଥିବା କ୍ରୁଜ ଜାହାଜ ଡାଇମଣ୍ଡ ପ୍ରିନସେସରେ ଥିବା ପ୍ରାୟ ୧୩୮ ଜଣ ଭାରତୀୟମାନଙ୍କୁ ଉଦ୍ଧାର କରିହେବ ନାହିଁ । ଜାପାନ ସରକାରଙ୍କ ନିୟମ ଅନୁସାରେ ସେମାନଙ୍କୁ ଅଲଗା ରଖାଯାଇ ଚିକିତ୍ସା କରାଯାଉଛି । କିନ୍ତୁ ଅନ୍ୟ ମାନଙ୍କୁ ଯେପରି କରୋନା ଭାଇରସ ନ ବ୍ୟାପେ ସେଥିଲାଗି ସେମାନଙ୍କୁ ଅଲଗା ରଖାଯାଇଛି । ଏଣୁ ସେମାନଙ୍କୁ ମୁକ୍ତ କରିବା ସମ୍ଭବ ନୁହେଁ ବୋଲି କହିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡ. ହର୍ଷବର୍ଦ୍ଧନ ।
Sambad is now on WhatsApp
Join and get latest news updates delivered to you via WhatsApp
ଗୁରୁବାରଦିନ ଏକ ସାମ୍ବାଦିକ ସମ୍ମିଳନୀରେ ସେ କହିଛନ୍ତି ଯେ ଜାପାନ ସରକାରଙ୍କ ନିଷ୍ପତ୍ତି ଅନୁଯାୟୀ ଜାହାଜରେ ଥିବା ଲୋକମାନଙ୍କୁ ଆସନ୍ତା ୧୯ ତାରିଖ ପର୍ଯ୍ୟନ୍ତ ଅଲଗା ରଖାଯିବ । ଏ ପରିସ୍ଥିତିରେ ଆମେ କେବଳ ଆମ ଲୋକଙ୍କୁ ଉଦ୍ଧାର କରିବାକୁ ଜାପାନ ସରକାରଙ୍କୁ କହିପାରିବା ନାହିଁ ।
ଉଲ୍ଲେଖଯୋଗ୍ୟ ଯେ ଡାଇମଣ୍ଡ ପ୍ରିନସେସ୍ରେ ଫସି ରହିଥିବା ମୋଟ ୩୭୧୧ ଲୋକଙ୍କ ମଧ୍ୟରୁ ୨୧୮ ଜଣ କରୋନା ଭାଇରସ ଦ୍ୱାରା ସଂକ୍ରମିତ ବୋଲି ରକ୍ତ ନମୁନା ପରୀକ୍ଷାରୁ ଜଣାପଡ଼ିଛି । ଏହି ୨୧୮ ଜଣ ସଂକ୍ରମିତ ଲୋକଙ୍କ ମଧ୍ୟରେ ୨ ଭାରତୀୟ ଥିବା ଜଣାଯାଇଛି ।
ଆଜି ବୈଦେଶିକ ମନ୍ତ୍ରୀ ଏସ.ଜୟଶଙ୍କର ଟ୍ଵିଟ କରି କହିଥିଲେ ଯେ ଡାଇମଣ୍ଡ ପ୍ରିନସେସରେ ଥିବା ଭାରତୀୟ ମାନଙ୍କ ସହ ଭାରତୀୟ ଦୂତାବାସ ପକ୍ଷରୁ ଯୋଗାଯୋଗ ରକ୍ଷା କରାଯାଉଛି ଓ ସେମାନଙ୍କୁ ଆବଶ୍ୟକ ସହାୟତା କରାଯାଉଛି ।