ସାମ୍ନାକୁ ଆସିଲା ଉବେର ଆପ୍ ହ୍ୟାକିଂ ମାମଲା: ୧୮ ବର୍ଷର ଯୁବକ ମାଷ୍ଟରମାଇଣ୍ଡ୍
ନୂଆଦିଲ୍ଲୀ: ସାମ୍ନାକୁ ଆସିଲା ସବୁଠୁ ଲୋକପ୍ରିୟ ଅନ୍ଲାଇନ୍ କ୍ୟାବ ବୁକିଂ ପ୍ଲାଟଫର୍ମ ଉବେରର ହ୍ୟାକିଂ ମାମଲା । ହ୍ୟାକିଂ ପାଇଁ ମାତ୍ର ୧୮ ବର୍ଷର ଜଣେ ଯୁବକ ଦାୟୀ । ହ୍ୟାକିଂ ପରେ କମ୍ପାନୀର କର୍ମଚାରୀମାନେ ଏହାର ଇଣ୍ଟରନାଲ ଟୁଲ୍ ଏସ୍କେସ୍ କରିବାରେ ଅସମର୍ଥ ହେଲେ, ପରେ ଏହା ଆପେଆପେ ବନ୍ଦ ହୋଇଗଲା । କମ୍ପାନୀ ନିଜେ ଏହି ହ୍ୟାକିଂକୁ ନିଶ୍ଚିତ କରି କହିଛି ଯେ ଘଟଣାର ତଦନ୍ତ ଚାଲିଛି । ପ୍ରକାଶ ଯେ, ହ୍ୟାକିଂ ପରେ ଉବେର କର୍ମଚାରୀମାନେ ସ୍ଲାକ ଭଳି କମ୍ପାନୀର ଉପକରଣ ବ୍ୟବହାର କରିବାରେ ଅସମର୍ଥ ହୋଇଥିଲେ । ଯେତେବେଳେ ସେମାନେ ୱେବସାଇଟର ଏଡ୍ରେସକୁ ଯାଇ ଏକ ମେସେଜ୍ ଦେଖିଥିଲେ । ହ୍ୟାକର ମେସେଜରେ ଲେଖିଛି ଯେ ଉବେର ତାର କର୍ମଚାରୀମାନଙ୍କୁ କମ୍ ମଜୁରୀ ଦେଉଛି, ‘ମୁଁ ଘୋଷଣା କରୁଛି ଯେ ମୁଁ ଜଣେ ହ୍ୟାକର ଏବଂ ଉବର ଡାଟା ଲିକ୍ ହୋଇଛି’ । ଯାହାକୁ ନେଇ କମ୍ପାନୀ ନିଜେ ଏହି ହ୍ୟାକିଂକୁ ନିଶ୍ଚିତ କରିଛି, ଉବେରର ମୁଖପାତ୍ର ଟ୍ୱିଟରରେ ଏହି ବିଷୟରେ ଲେଖିଛନ୍ତି, “ଆମେ ସାଇବର ସିକ୍ୟୁରିଟି ସମସ୍ୟାର ସମ୍ମୁଖୀନ ହେଉଛୁ । ଆମେ ଆଇନ ଏଜେନ୍ସି ସହ ମିଶି କାମ କରୁଛୁ ଏବଂ ଏହି ବିଷୟରେ ଅଧିକ ସୂଚନା ଆମେ ବାହାରକୁ ଆସିବା ପରେ ସେୟାର କରିବୁ ।” ଅବଶ୍ୟ, ଉବେର ଆପ୍ କାର୍ଯ୍ୟ କିମ୍ବା ସେବା ପ୍ରଭାବିତ ହେବାର କୌଣସି ଖବର ହୋଇନାହିଁ ।
Sambad is now on WhatsApp
Join and get latest news updates delivered to you via WhatsApp
ଜଣେ ସାମ୍ବାଦିକଙ୍କ କହିବାନୁସାରେ, ହ୍ୟାକର ତାଙ୍କ ସହ କଥା ହୋଇଥିଲେ ଏବଂ କହିଥିଲେ ଯେ ତାଙ୍କୁ ମାତ୍ର ୧୮ବର୍ଷ ବୟସ । ସେପଟେ ହ୍ୟାକର ଦାବି କରିଛି ଯେ ତାଙ୍କର ଉବେର ସିଷ୍ଟମର ଦୁର୍ବଳ ସୁରକ୍ଷା ହେତୁ ଆଡମିନ୍ ଆକାଉଣ୍ଟକୁ ପ୍ରବେଶ କରି ତାଙ୍କ ପାଇଁ ହ୍ୟାକିଂ କରିବା ସହଜ ଥିଲା । ହ୍ୟାକର ଦାବି କରିଛି ଯେ ସେ ଲଗଇନ୍ ବିବରଣୀ ଚୋରି କରି ଜଣେ ଉବେର କର୍ମଚାରୀଙ୍କୁ ଫାଶରେ ପକାଇ ସିଷ୍ଟମକୁ ହ୍ୟାକ କରିଥିଲେ । ଉବେର କର୍ମଚାରୀ ହ୍ୟାକରକୁ ପାସୱାର୍ଡକୁ କହିଛନ୍ତି । ହ୍ୟାକରଙ୍କ ଅନୁଯାୟୀ ସେ ବର୍ତ୍ତମାନର ଉବେର କର୍ମଚାରୀଙ୍କ ନିକଟରୁ ପାସୱାର୍ଡ ମାଗି ଏକ ମେସେଜ ପଠାଇ ନିଜକୁ ଜଣେ ଆଇଟି କର୍ମଚାରୀ ବୋଲି ପରିଚୟ ଦେଇଥିଲେ । ପାସୱାର୍ଡ ପାଇବା ମାତ୍ରେ ହ୍ୟାକର ଉବେରର ସିଷ୍ଟମରେ ପ୍ରବେଶ କରିଥିଲା । କମ୍ପାନୀ ଏହାର ଡ୍ରାଇଭରମାନଙ୍କୁ ଭଲ ମଜୁରୀ ଦେବାକୁ ହ୍ୟାକର ଦାବି କରିଛି । ଏହା ପ୍ରକାଶ ପାଇଛି ଯେ ହ୍ୟାକରଙ୍କ ନିକଟରେ ‘କ୍ରିଟିକାଲ୍ ଉବେର ଆଇଟି ସିଷ୍ଟମ’ ରହିଛି । କମ୍ପାନୀ ଯଥାଶୀଘ୍ର ଏହାର ସମାଧାନ କରିବାକୁ ଚାହୁଁଛି ।