ମହାରାଷ୍ଟ୍ର : ଏନସିପିର ୯ ବିଦ୍ରୋହୀ ବିଧାୟକଙ୍କୁ ଏକ ସ୍ୱତନ୍ତ୍ର ବିମାନରେ ଦିଲ୍ଲୀ ନେଉଛି ବିଜେପି
ମୁମ୍ବାଇ : ମହାରାଷ୍ଟ୍ରରେ ବିଜେପି ସରକାର ଗଠନ କରିବା ପରେ ରାଜନୈତିକ ସ୍ଥିତି ନାଟକୀୟ ଭାବେ ବଦଳିବାରେ ଲାଗିଛି । ତିନି ପ୍ରମୁଖ ଦଳ ବିଜେପି, ଏନସିପି ଓ କଂଗ୍ରେସ ନିଜ ନିଜର ବିଧାୟକମାନଙ୍କୁ ବିଭିନ୍ନ ସୁରକ୍ଷିତ ସ୍ଥାନକୁ ନେବାରେ ଲାଗିଛନ୍ତି । ଏନସିପି ମୁଖ୍ୟ ଶରଦ ପାଓ୍ଵାରଙ୍କ କହିବା ଅନୁସାରେ ତାଙ୍କ ଦଳର ୧୦ରୁ ୧୧ ବିଧାୟକ ଅଜିତ ପାଓ୍ଵାରଙ୍କ ଶିବିରରେ ଅଛନ୍ତି । ସେମାନେ ହିଁ ବିଜେପିକୁ ସମର୍ଥନ କରିଛନ୍ତି । ବିଜେପି ଏବେ ସେମାନଙ୍କୁ ଏକ ଚାଟାର୍ଡ ବିମାନରେ ଦିଲ୍ଲୀ ନେଉଥିବା ଖବର ହସ୍ତଗତ ହୋଇଛି । ଅନ୍ୟପକ୍ଷରେ ଶରଦ ପାଓ୍ଵାର ମଧ୍ୟ ନିଜର ବିଧାୟକମାନଙ୍କୁ ଏକାଠି ହେବାକୁ ନିର୍ଦ୍ଦେଶ ଜାରି କରିଛନ୍ତି । ସେମାନଙ୍କୁ ଏକ ସୁରକ୍ଷିତ ସ୍ଥାନକୁ ନିଆଯିବ । ଶିବସେନା ନିଜ ବିଧାୟକମାନଙ୍କୁ ରାଜସ୍ଥାନର ଜୟପୁର ଓ କଂଗ୍ରେସ ଭୋପାଳ ନେବାକୁ ଯୋଜନା କରୁଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ଆଜି ଏକ ଅପ୍ରତ୍ୟାର୍ଶିତ ଘଟଣାକ୍ରମେ ସକାଳ ୫ଟା ୪୫ ମନିଟରେ ମହାରାଷ୍ଟ୍ରରୁ ରାଷ୍ଟ୍ରପତି ଶାସନ ପ୍ରତ୍ୟାହାର କରାଯିବା ପରେ ମୁଖ୍ୟମନ୍ତ୍ରୀ ଭାବେ ଦେବେନ୍ଦ୍ର ଫଡନବୀସ ଶପଥ ଗ୍ରହଣ କରିଛନ୍ତି । ଏନସିପିର ଅଜିତ ପାଓ୍ଵାର ଉପମୁଖ୍ୟମନ୍ତ୍ରୀଭାବେ ଶପଥ ନେଇଛନ୍ତି । ଆସନ୍ତା ୩୦ ତାରିଖରେ ବିଧାନସଭାରେ ଆସ୍ଥାଭୋଟ ଅନୁଷ୍ଠିତ ହେବ । ସେ ସମୟ ପର୍ଯ୍ୟନ୍ତ ସବୁଦଳ ନିଜ ନିଜର ବିଧାୟକମାନଙ୍କୁ ସୁରକ୍ଷିତ ରଖିବାକୁ ଉଦ୍ୟମ କରୁଛନ୍ତି ।