ଆଜି ତୃଣମୂଳ କଂଗ୍ରେସରେ ମିଶିପାରନ୍ତି ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ପୁଅ ଅଭିଜିତ ମୁଖାର୍ଜୀ
କୋଲକାତା: ପଶ୍ଚିମବଙ୍ଗରେ ମମତା ବାନାର୍ଜୀଙ୍କ ଦଳ ତୃଣମୂଳ କଂଗ୍ରେସ ପୁଣିଥରେ କ୍ଷମତାକୁ ଆସିବା ପରେ ଅନେକ ନେତା ଟିଏମସିରେ ଯୋଗ ଦେଇଛନ୍ତି। ନିକଟରେ ବିଜେପିର ପୂର୍ବତନ ରାଷ୍ଟ୍ରୀୟ ଉପାଧ୍ୟକ୍ଷ ମୁକୁଲ ରାୟ ଦଳକୁ ଫେରିଥିଲେ। ବର୍ତ୍ତମାନ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ପୁଅ ତଥା କଂଗ୍ରେସର ପୂର୍ବତନ ସାଂସଦ ଅଭିଜିତ ମୁଖାର୍ଜୀ ମଧ୍ୟ ଟିଏମସିରେ ଯୋଗ ଦେଇପାରନ୍ତି । ସୂଚନାନୁସାରେ, ଅଭିଜିତ୍ ଆଜି ଅପରାହ୍ନ ୪ ଟାରେ ବରିଷ୍ଠ ଟିଏମସି ନେତାଙ୍କ ଉପସ୍ଥିତିରେ ଦଳରେ ଯୋଗଦେବେ।
Sambad is now on WhatsApp
Join and get latest news updates delivered to you via WhatsApp
ସୂତ୍ର ଅନୁଯାୟୀ ଅଭିଜିତ୍ ମୁଖାର୍ଜୀ ଅତୀତରେ ଟିଏମସିର ବରିଷ୍ଠ ନେତାଙ୍କୁ ଭେଟିଥିଲେ। ଟିଏମସି ଅଭିଜିତ ମୁଖାର୍ଜୀଙ୍କୁ ଜାଙ୍ଗିପୁର ବିଧାନସଭା ଆସନ ଦେଇପାରେ ବୋଲି କଳ୍ପନା କରାଯାଉଛି । ଉଲ୍ଲେଖ ଥାଉ କି ନିକଟରେ ଅଭିଜିତ ବାନାର୍ଜୀ ନକଲି ଟିକା ଦୁର୍ନୀତିରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସମର୍ଥନ କରିଥିଲେ।
ଅଭିଜିତ୍ ମୁଖାର୍ଜୀ ଟ୍ୱିଟରରେ ଲେଖିଥିଲେ ଯେ ଏକ ନିର୍ଦ୍ଦିଷ୍ଟ ବ୍ୟକ୍ତିଙ୍କ ଭୁଲ କାର୍ଯ୍ୟ ପାଇଁ ପଶ୍ଚିମବଙ୍ଗ ଏବଂ ମମତା ବାନାର୍ଜୀଙ୍କୁ ଦାୟୀ କରିବା ଠିକ୍ ନୁହେଁ। ଯଦି ଏହା ହେଉଛି, ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମଧ୍ୟ ମେହୁଲ ଚୋକସି, ନୀରବ ମୋଦୀ ଏବଂ ବିଜୟ ମାଲ୍ୟାଙ୍କ ସହ ଜଡିତ ମାମଲା ପାଇଁ ଦାୟୀ କରାଯାଇପାରିବ |