ହତ୍ୟା ଅଭିଯୋଗରେ ପୂରା ପରିବାରକୁ ଗିରଫ କରିବା ପରେ ଏବେ ଘରେ ଥିବା ପୋଷା କୁକୁରର ଦାୟିତ୍ୱ ନେଇଛି ମଧ୍ୟପ୍ରଦେଶ ପୁଲିସ
ଭୋପାଳ: ମଧ୍ୟପ୍ରଦେଶରେ ଥିବା ବୀଣା ସହରରେ ପୁଲିସକର୍ମୀଙ୍କ ଏକ ଭିନ୍ନ ରୂପ ଦେଖିବାକୁ ମିଳିଛି । ସେମାନଙ୍କ ଭିତରେ ମଧ୍ୟ ଏକ ହୃଦୟ ରହିଛି, ତାହାକୁ ପ୍ରମାଣ କରିଛି ମଧ୍ୟପ୍ରଦେଶ ପୁଲିସ । ହତ୍ୟା ଅଭିଯୋଗରେ ଏକ ପରିବାରର ସମସ୍ତ ସଦସ୍ୟଙ୍କୁ ଗିରଫ କରିବା ପରେ ଘରେ ଥିବା ପୋଷା କୁକୁର ସୁଲତାନକୁ ଏକା ଛାଡ଼ି ନଥିଲେ ପୁଲିସକର୍ମୀ । ଏବେ କୁକୁରଟି ପୁଲିସ ଟିମ୍ ସହ ରହିବା ଆରମ୍ଭ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସୁଲତାନର ମାଲିକ ମନୋହର ଏବଂ ତାଙ୍କର ଦୁଇ ପୁଅ ଜମି ବିବାଦକୁ ନେଇ ନିଜ ସଂପର୍କୀୟଙ୍କ ପରିବାରର ୫ଜଣଙ୍କୁ ହତ୍ୟା କରିଥିଲେ । ଏ ନେଇ ପୁଲିସରେ ଅଭିଯୋଗ ହେବା ପରେ ପୁଲିସ ମନୋହର ସମେତ ତାଙ୍କ ଦୁଇ ପୁଅକୁ ଗିରଫ କରିଥିଲେ । ଗିରଫ ହେବା ପରେ ଘରେ କେବଳ ସୁଲତାନ ଏକା ରହି ଯାଇଥିଲା । ପ୍ରଥମେ କୁକୁର ବିଷୟରେ କେହି ଭାବି ନଥିବା ବେଳେ ତଦନ୍ତ ସମୟରେ କୁକୁରକୁ ଭୋକିଲା ଦେଖି ପୁଲିସକର୍ମୀମାନେ ମନୋହରଙ୍କ ପରିଚିତ ବ୍ୟକ୍ତିଙ୍କୁ ସୁଲତାନକୁ ରଖିବାକୁ କହିଥିଲେ । କିନ୍ତୁ ସେମାନେ ସୁଲତାନକୁ ରଖିବାକୁ ମନା କରି ଦେଇଥିଲେ । ଯାହା ପରେ ମଧ୍ୟପ୍ରଦେଶ ପୁଲିସ ସୁଲତାନକୁ ପୁଲିସ ଷ୍ଟେସନରେ ରଖିବା ପାଇଁ ମନସ୍ଥ କରିଥିଲେ । ପ୍ରଥମେ ସୁଲତାନ ପୁଲିସ ଟିମ୍କୁ ଦେଖି ଭୁକୁଥିବା ବେଳେ ଏବେ ସେ ପୁଲିସ ଟିମ୍ର ପୋଷା ବନି ସାରିଲାଣି । କୌଣସି କାର୍ଯ୍ୟ ନଥିଲେ ପୁଲିସକର୍ମୀମାନେ ସୁଲତାନର ଯତ୍ନ ନେବା ସହ ସ୍ୱାଦିଷ୍ଟ ଖାଦ୍ୟ ଖାଇବାକୁ ଦେଇଥାନ୍ତି ।