ନିର୍ବାଚନ ଫଳାଫଳ ବାହାରିବା ପୂର୍ବରୁ ୧୦୦ ଦିନର ଆଜେଣ୍ଡା ପ୍ରସ୍ତୁତି କରିବାକୁ କର୍ମଚାରୀଙ୍କୁ ନିର୍ଦେଶ ଦେଲେ ପ୍ରଧାନମନ୍ତ୍ରୀ ମୋଦି
ନୂଆଦିଲ୍ଲୀ: ଲୋକସଭା ନିର୍ବାଚନ ଫଳାଫଳ ବାହାରିବ ମେ ୨୯ ତାରିଖରେ, କିନ୍ତୁ ପ୍ରଧାନମନ୍ତ୍ରୀ ମୋଦି ନିଶ୍ଚିତ କ୍ଷମତାକୁ ଫେରିବାର ଆତ୍ମପ୍ରତ୍ୟେୟ ନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ, ନୀତି ଆୟୋଗ ଏବଂ ପ୍ରିନ୍ସିପାଲ୍ ସାଇଣ୍ଟିଫିକ୍ ଆଡ୍ଭାଇଜର୍ଙ୍କୁ ଆସନ୍ତା ୫ ବର୍ଷ ଲାଗି ଦୁଇ ଅଙ୍କବିଶିଷ୍ଟ ଅଭିବୃଦ୍ଧିହାର ଉପରେ ଗୁରୁତ୍ୱ ଦେଇ ପରବର୍ତ୍ତୀ ସରକାରଙ୍କର ୧୦୦ ଦିନର ଆଜେଣ୍ଡା ପ୍ରସ୍ତୁତି କରିବାକୁ କହିସାରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ମୋଦି ସରକାରଙ୍କର ତିନି ଶୀର୍ଷ ଶ୍ରେଣୀୟ ଅଧିକାରୀଙ୍କ କହିବା ଅନୁସାରେ, ନିର୍ବାଚନ ପ୍ରଚାର ଅଭିଯାନର ବ୍ୟସ୍ତତା ମଧ୍ୟରେ ପ୍ରଧାନମନ୍ତ୍ରୀ ତାଙ୍କ କାର୍ଯ୍ୟାଳୟ, ନୀତି ଉଦ୍ୟୋଗର ଉପାଧ୍ୟକ୍ଷ ଏବଂ ପ୍ରିନ୍ସିପାଲ୍ ସାଇଣ୍ଟିଫିକ୍ ଆଡ୍ଭାଇଜର୍ ପ୍ରଫେସର୍ କେ ବିଜୟରାଘବନଙ୍କୁ ଆର୍ଥିକ ଓ ଅମଲାତାନ୍ତ୍ରିକ ସଂସ୍କାର ଆଧାରିତ ସ୍ୱଚ୍ଛ ଭାରତ ଆଜେଣ୍ଡା ପ୍ରସ୍ତୁତି କରିବା କାର୍ଯ୍ୟ ସମର୍ପିଛନ୍ତି।
ଔପଚାରିକତା ମଧ୍ୟରେ ମାତ୍ରାଧିକ ବାନ୍ଧି ହୋଇ ରହିଥିବା ତିନୋଟି ପ୍ରମୁଖ ବିଭାଗ- ତୈଳ ଓ ବାଷ୍ପ, ଖନିଜ, ଭିତ୍ତିଭୂମି ଓ ଶିକ୍ଷାକୁ ମୁକ୍ତ କରିବାକୁ ଏଥିରେ ଧ୍ୟାନ ଦିଆଯାଇଛି। ଏହି ୧୦୦ ଦିନର ଆଜେଣ୍ଡା ଉପରେ ହିଁ ନିର୍ଭର କରୁଛି ୨୦୧୭ ସୁଦ୍ଧା ଭାରତକୁ ଏକ ବିକଶିତ ଦେଶ କରାଇବାର ମୂଳଦୁଆ। ଏହି ପ୍ରମୁଖ ବିଭାଗଗୁଡ଼ିକୁ ମାତ୍ରାଧିକ ପ୍ରଶାସନିକ ଔପଚାରିକତାରୁ ମୁକ୍ତ କରି ପାରିଲେ ଅଭିବୃଦ୍ଧି ହାର ୨. ୫% ଯାଏଁ ସହରେ ବଢ଼ାଇ ହେବ ବୋଲି ଜଣେ ଅଧିକାରୀ କହିଛନ୍ତି।
ତେଣୁ ସମଗ୍ର ଦେଶ ଲୋକସଭା ନିର୍ବାଚନ ଉପରେ ଧ୍ୟାନ ଦେଉଥିବା ସମୟରେ କେନ୍ଦ୍ର ସରକାରଙ୍କର ଏଇ ତିନି ବିଭାଗ ଆଜେଣ୍ଡା ପ୍ରସ୍ତୁତି ଲାଗି ସପ୍ତାହନ୍ତ ବୈଠକରେ ବସି ରହୁଛନ୍ତି।