ଆଚାର୍ଯ୍ୟ ବାଳକୃଷ୍ଣଙ୍କ ଦାବି: ‘ଡିଆର୍ଡିଓ’ଦ୍ବାରା ପ୍ରସ୍ତୁତ କୋଭିଡ୍-୧୯ ଔଷଧ ‘୨-ଡିଜି’ ପ୍ରଥମେ ପତଞ୍ଜଳିରେ ଅଧ୍ୟୟନ ହୋଇଥିଲା
ନୂଆଦିଲ୍ଲୀ: ‘ଡିଫେନ୍ସ୍ ରିସର୍ଚ ଆଣ୍ଡ୍ ଡେଭ୍ଲପ୍ମେଣ୍ଟ୍ ଅର୍ଗାନାଇଜେସନ୍’ (ଡିଆର୍ଡିଓ) ପ୍ରସ୍ତୁତ କରିଥିବା କୋଭିଡ୍-୧୯ ନିରୋଧୀ ଔଷଧ ‘ଟୁ-ଡିଅକ୍ସି-ଡି-ଗ୍ଲୁକୋଜ୍ (ଟୁ-ଡିଜି)’ ପ୍ରଥମେ ପତଞ୍ଜଳି ଗବେଷକମାନଙ୍କଦ୍ବାରା ଅଧ୍ୟୟନ କରାଯାଇଥିବା କଥା ରବିବାର ଦିନ ଆଚାର୍ଯ୍ୟ ବାଳକୃଷ୍ଣ ଦାବି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସାମାନ୍ୟରୁ ସଙ୍କଟାପନ୍ନ କୋଭିଡ୍-୧୯ ଆକ୍ରାନ୍ତଙ୍କ ଚିକିତ୍ସାରେ ଜରୁରୀକାଳୀନ ବ୍ୟବହାର ପାଇଁ ଉପରୋକ୍ତ ଔଷଧକୁ ‘ଡ୍ରଗ୍ସ୍ କଣ୍ଟ୍ରୋଲର୍ ଅଫ୍ ଇଣ୍ଡିଆ’ ଅନୁମୋଦନ କରିବାର ଦିନକ ପରେ ଆଚାର୍ଯ୍ୟ ବାଳକୃଷ୍ଣ କହିଛନ୍ତି, କୋଭିଡ୍-୧୯ ପାଇଁ କରାଯାଉଥିବା ଅଧିକାଂଶ ଗବେଷଣାରେ ପତଞ୍ଜଳି ପ୍ରାରମ୍ଭିକ କେନ୍ଦ୍ର ହୋଇଥିବାରୁ ଆମ୍ଭେ ଅତ୍ୟନ୍ତ ଆନନ୍ଦିତ।
We take Immense Pride that #Patanjali has been the Pioneer Centre-stone for most of the researches conducted for COVID-19 🙏🏻🙏🏻 https://t.co/fCAPuORUJR pic.twitter.com/yQaMl1tqlh
— Acharya Balkrishna (@Ach_Balkrishna) May 9, 2021
‘ପତଞ୍ଜଳି ଆୟୁର୍ବେଦ ଲିମିଟେଡ୍’ର ପରିଚାଳନା ନିର୍ଦେଶକ ଏବଂ ‘ହରିଦ୍ବାର ପତଞ୍ଜଳି ଯୋଗପୀଠ’ର ସହ-ସଂସ୍ଥାପକ ଆଚାର୍ଯ୍ୟ ବାଳକୃଷ୍ଣ ଅନ୍ୟ ତିନିଜଣ ଗବେଷକଙ୍କ ସହ ମିଶି ଲେଖିଥିବା ଉକ୍ତ ଗବେଷଣା ପତ୍ରର ଫଟୋ ମଧ୍ୟ ସେୟାର୍ କରିଛନ୍ତି।
ଯୋଗ ଗୁରୁ ରାମଦେବ ମଧ୍ୟ କହିଛନ୍ତି, କୋଭିଡ୍-୧୯ ବିଷୟକ ସମସ୍ତ ଗବେଷଣାରେ ପତଞ୍ଜଳି ପ୍ରାରମ୍ଭ ହେଉଥିବାରୁ ଗୌରବାନ୍ବିତ ମନେକରୁଛି।
ଉଲ୍ଲେଖଯୋଗ୍ୟ, ହାଇଦ୍ରାବାଦର ‘ଡକ୍ଟର୍ ରେଡିସ୍ ଲାବ୍ରୋଟେରି’ର ସହଯୋଗରେ ‘ଡିଆର୍ଡିଓ’ର ଲାବ୍ରୋଟେରି ‘ଇନ୍ଷ୍ଟିଚ୍ୟୁଟ୍ ଅଫ୍ ନ୍ୟୁକ୍ଲିଅର୍ ମେଡିସିନ୍ ଆଣ୍ଡ୍ ଆଲାଏଡ୍ ସାଇନ୍ସେସ୍’ କୋଭିଡ୍-୧୯ ନିରୋଧୀ ଔଷଧ ‘ଟୁ-ଡିଅକ୍ସି-ଡି-ଗ୍ଲୁକୋଜ୍ (ଟୁ-ଡିଜି)’ ପ୍ରସ୍ତୁତ କରିଛି।