ପାକିସ୍ତାନୀ ସେନା ଉପରେ ଆତଙ୍କବାଦୀ ଆକ୍ରମଣ, ୧୦ ସୈନିକ ନିହତ
କରାଚୀ: ପାକିସ୍ତାନର ବିବାଦୀୟ ବେଲୁଚିସ୍ତାନ ପ୍ରଦେଶରେ ବେଲୁଚ ସ୍ୱାଧୀନତା ସଂଗ୍ରାମୀଙ୍କ ଦୁଇଟି ପୃଥକ ଆକ୍ରମଣରେ ୧୦ ପାକିସ୍ତାନୀ ସୈନିକ ନିହତ ହୋଇଛନ୍ତି । ପ୍ରଥମ ଆକ୍ରମଣଟି ବେଲୁଚିସ୍ତାନର ଆଦିବାସୀବହୁଳ ଉତ୍ତର ଓ୍ଵାଜିରିସ୍ତାନରେ ହୋଇଥିଲା । ଏଥିରେ ୬ ଜଣ ପାକ ଯବାନ ପ୍ରାଣ ହରାଇଛନ୍ତି । ସେହିପରି ବେଲୁଚିସ୍ତାନରେ ଥିବା ଏକ ପାକିସ୍ତାନୀ ସେନା ପୋଷ୍ଟ ଉପରକୁ ବେଲୁଚ ବିଦ୍ରୋହୀମାନେ ଆକ୍ରମଣ କରିବାରୁ ୫ ପାକ ସୈନିକ ନିହତ ହୋଇଛନ୍ତି ବୋଲି ପାକିସ୍ତାନ ସେନା ପକ୍ଷରୁ ଟ୍ଵିଟ କରି ସୂଚନା ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
Shahadat of 6 sldrs on Pak-Afg Bdr & 4 in Bln is the sacrifice Pakistan making for peace in the region. While security of tribal areas has been improved with efforts now focused to solidify border, inimical forces are attempting to destabilise Bln. Their efforts shall IA fail.
— DG ISPR (@OfficialDGISPR) July 27, 2019
ପ୍ରଥମ ଘଟଣାରେ ବେଲୁଚ ବିଦ୍ରୋହୀଙ୍କ ସମେତ କେତେକ ଆଫଗାନ ଆତଙ୍କବାଦୀଙ୍କ ହାତ ରହିଥିବା ପାକ ସେନା କହିଛି । ଘଟଣାଟି ପାକିସ୍ତାନ-ଆଫଗାନିସ୍ତାନ ସୀମାରେ ହୋଇଥିବାରୁ କେତେକ ଆତଙ୍କବାଦୀ ସୀମା ସେପଟୁ ଗୁଳିଚଳାଇ ପାଟ୍ରୋଲିଂ କରୁଥିବା ପାକ ସୈନିକମାନଙ୍କୁ ମାରିଦେଇଛନ୍ତି । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ ନିଜର ଆମେରିକା ଗସ୍ତ ଅବସରରେ ଆତଙ୍କବାଦ ପ୍ରସଙ୍ଗରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଆଲୋଚନା କରିଥିଲେ ।