ତୈଳବାହୀ ଜାହାଜରେ ଭୟଙ୍କର ବିସ୍ଫୋରଣ, ସମୁଦ୍ରରେ ମିଶୁଛି ତେଲ
ଆବୁଜା: ଆଫ୍ରିକୀୟ ଦେଶ ନାଇଜେରିଆର ଏକ ଏକ ତୈଳବାହୀ ଜାହଜରେ ଆଜି ନିଆଁ ଲାଗିବା ରୁ ପ୍ରଚଣ୍ଡ ବିସ୍ଫୋରଣ ହୋଇଥିଲା । ଏହି ବିସ୍ଫୋରଣ ଯୋଗୁଁ ଜାହାଜରୁ ତୈଳ ନିର୍ଗତ ହୋଇ ସମୁଦ୍ରରେ ମିଶିବାରେ ଲାଗିଛି । ଏହା ଫଳରେ ଏକ ବଡ଼ ଧରଣର ପରିବେଶୀୟ ସଂକଟ ସୃଷ୍ଟି ହେବାର ସମ୍ଭାବନା ରହିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଦକ୍ଷିଣ ନାଇଜେରିଆର ରାଜ୍ୟ ଡେଲଟା ନିକଟ ସମୁଦ୍ରରେ ଯାଉଥିବା ଏକ ତୌଳବାହୀ ଜାହାଜରେ ନିଆଁ ଲାଗିବା ପରେ ପ୍ରଚଣ୍ଡ ବିସ୍ଫୋରଣ ହୋଇଥିଲା । ଜାହାଜରେ ପ୍ରାୟ ୨ ନିୟୁତ ବ୍ୟାରେଲ ଅଶୋଧିତ ତେଲ ଥିଲା । ବିସ୍ଫୋରଣ ପରେ ଜାହାଜରୁ ତୈଳ ନିର୍ଗତ ହୋଇ ସମୁଦ୍ରରେ ମିଶିବାରେ ଲାଗିଛି । ଏହା ଫଳରେ ଏକ ବଡ଼ ଧରଣର ପରିବେଶୀୟ ସଂକଟ ସୃଷ୍ଟି ହେବାର ସମ୍ଭାବନା ରହିଛି । ସମୁଦ୍ରର ମାଛ ଓ ଅନ୍ୟ ଜୀବଜନ୍ତୁଙ୍କ ଜୀବନ ଓ ସେମାନଙ୍କ ବାସସ୍ଥାନ ପ୍ରତି ବିପଦ ସୃଷ୍ଟି ହୋଇଛି । ଅନ୍ୟପକ୍ଷରେ ବିସ୍ଫୋରଣ ଯୋଗୁଁ ଜାହାଜର କେତେକ କର୍ମଚାରୀ ମୃତାହତ ହୋଇଥିବା ସଂଦେହ କରାଯାଉଛି । ବିସ୍ଫୋରଣ ଦେଖିବାପରେ ସମୁଦ୍ରରେ ଥିବା କେତେକ ଛୋଟ ବୋଟ ତୁରନ୍ତ ଜାହାଜ ନିକଟକୁ ଯାଇଥିଲେ, କିନ୍ତୁ ସେତେବେଶେ ଜାହାଜରେ କୌଣସି ବ୍ୟକ୍ତି ନଥିଲେ ।
ଟ୍ରିନିଟି ସ୍ପିରିଟ ନାମକ ଏହି ଜାହାଜଟି ସେବା ଏକ୍ସପ୍ଲୋରେସନ ଏଣ୍ଡ ପ୍ରଡକ୍ସନ କମ୍ପାନିର ବୋଲି ଜଣାପଡ଼ିଛି ।