ଜବରଦସ୍ତି ଜଣଙ୍କୁ ଛୁଇଁବା ଯୌନ ଶୋଷଣ ନୁହେଁ: ବମ୍ବେ ହାଇକୋର୍ଟ
ମୁମ୍ବାଇ: ବମ୍ବେ ହାଇକୋର୍ଟର ନାଗପୁର ବେଞ୍ଚ ଶନିବାର ଏକ ରାୟ ଶୁଣାଇ କହିଛନ୍ତି ଯେ ଯୌନ ଶୋଷଣ ସେତେବେଳେ କୁହାଯିବ ଯେତେବେଳେ ଯୌନ ସମ୍ପର୍କ ରଖିବାକୁ ଇଚ୍ଛା କରି ଚର୍ମକୁ ଚର୍ମ ସ୍ପର୍ଶ କରିଥିବ | କେବଳ ଜଣଙ୍କୁ ଛୁଇଁଦେବାକୁ ଯୌନ ଶୋଷଣ ବୋଲି କୁହାଯିବ ନାହିଁ | ହାଇକୋର୍ଟ ଏକ ମାମଲାର ବିଚାର କରି ଏଭଳି ରାୟ ଦେଇଛନ୍ତି | ଅଭିଯୁକ୍ତ ଉପରେ ଜଣେ ନାବାଳିକାଙ୍କୁ ଯୌନ ଶୋଷଣ କରିଥିବାର ଅଭିଯୋଗ ହୋଇଥିଲା |
Sambad is now on WhatsApp
Join and get latest news updates delivered to you via WhatsApp
ବିଚାରପତି ଜଷ୍ଟିସ ପୁଷ୍ପା ଗାନେଡ଼ିବାଲାଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ କହିଛନ୍ତି ଯେ ପୋକସୋ ଆଇନ ଅଧୀନରେ ଯୌନ ସମ୍ପର୍କ ରଖିବାର ଇଚ୍ଛା ରଖି ଶିଶୁର ଗୁପ୍ତାଙ୍ଗକୁ ଛୁଇଁବା ବା ଶିଶୁକୁ ତାଙ୍କର ଗୁପ୍ତାଙ୍ଗକୁ ଛୁଇଁବା ପାଇଁ ବାଧ୍ୟ କରିବା ଘଟଣାକୁ ଅପରାଧ ରୂପେ ବିବେଚନା କରାଯାଇଥାଏ | କିନ୍ତୁ ଏହି ଅଭିଯୁକ୍ତଙ୍କ ମାମଲାରେ ସେଭଳି କିଛି କରାଯାଇ ନଥିବାରୁ ଯୌନ ଶୋଷଣ ପରିବର୍ତ୍ତେ ମହିଳାଙ୍କ ଲଜ୍ଜା ଭାଙ୍ଗିଥିବା ଧାରା ଆଇପିସିର ସେକ୍ସନ ୩୫୪ ଅଧୀନରେ ଏହି ମାମଲା ଆସିବ |
ସୂଚନା ଥାଉ କି ପୀଡିତାଙ୍କୁ ଏକ ପିଜୁଳି ଦେବାକୁ ଅଭିଯୁକ୍ତ ଜଣକ ନିଜ ଘରକୁ ନେଇଯାଇଥିଲା | ଆଉ ଝିଅଟିର ମା ଯେତେବେଳେ ଘରେ ପହଞ୍ଚିଥିଲା ସେତେବେଳେ ଝିଅଟି କାନ୍ଦିଥିଲା | ଆଉ ଝିଅଟି ମା’କୁ ସବୁ ଘଟଣା କହିବା ପରେ ପୁଲିସରେ ଅଭିଯୋଗ କରାଯାଇଥିଲା | ଆଉ ପୁଲିସ ଅଭିଯୁକ୍ତ ବିରୋଧରେ ଯୌନ ଶୋଷଣ ମାମଲା ରୁଜୁ କରିଥିଲା |