ଏକ କୋଟି ଟଙ୍କାର ଲାଞ୍ଚକୁ ପାଦରେ ଏଡାଇ ପାକିସ୍ତାନରୁ ଆସୁଥିବା ୨୦୦ କୋଟି ଟଙ୍କାର ନିଶାଦ୍ରବ୍ୟକୁ ଜବତ କଲେ ଯବାନ
ନୂଆଦିଲ୍ଲୀ : ଦେଶ ସୀମାରେ ପ୍ରତିଦିନ ଡ୍ରଗ୍ସ ତଥା ଅନ୍ୟ ନିଶାର ବ୍ୟବସାୟ ହୋଇଥାଏ । ପଞ୍ଜାବ, ରାଜସ୍ଥାନ, ଜମ୍ମୁ ଏବଂ କାଶ୍ମୀର ଭଳି ସ୍ଥାନରେ ଏହି କାରବାର ଅଧିକ ହୋଇଥାଏ । ନିକଟରେ ପୁଲିସ୍ ଏବଂ ବିଏସଏଫ୍ ଯବାନ ଜମ୍ମୁ ଏବଂ କାଶ୍ମୀରକୁ ଆସୁଥିବା ଏକ ଡ୍ରଗ୍ସ ବୋଝେଇ ଟ୍ରକକୁ ଧରିବାରେ ସଫଳ ହୋଇଛନ୍ତି । ଏହି ଟ୍ରକରୁ ୨୦୦ କୋଟି ଟଙ୍କାର ହିରୋଇନ୍ ଏବଂ ବ୍ରାଉନ୍ ସୁଗାର ଧରାପଡିଥିଲା। ଏହି ଘଟଣାରେ ଟ୍ରକ୍ ଡ୍ରାଇଭରକୁ ଗିରଫ କରାଯାଇଥିବା ବେଳେ ସୂତ୍ର ଅନୁସାରେ ଟ୍ରକ୍ ଡ୍ରାଇଭର୍ ବିଏସଏଫ୍ ଯବାନଙ୍କୁ ୧ କୋଟି ଟଙ୍କା ଲାଞ୍ଚ ଦେବାକୁ ମଧ୍ୟ କହିଥିଲେ କିନ୍ତୁ ଯବାନ ଏହାକୁ ଏଡାଇ ନିଜ କର୍ତ୍ତବ୍ୟକୁ ସୁଚାରୁରୂପେ ପାଳନ କରିଛନ୍ତି । କୋଟିଏ ଟଙ୍କାର ଅଫରକୁ ସେ ମନା କରି ଡ୍ରାଇଭରକୁ ଗିରଫ କରାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ପୁଲିସ୍ ଏବଂ ଯବାନଙ୍କ ତରଫରୁ ବେଳେବେଳେ ସୀମାରେ ହେଉଥିବା ନିଶାସକ୍ତ ପଦାର୍ଥର ତସ୍କରି ପାଇଁ ପେଟ୍ରୋଲିଂ ଚାଲିଥାଏ । ଏହି ଡ୍ରଗ୍ସ ପାକିସ୍ତାନ ଅଧିକୃତ କାଶ୍ମୀରରୁ ଭାରତକୁ ପଠାଯାଉଥିଲା । ପୋଲିସ୍ ଏନେଇ ଡ୍ରାଇଭର୍ ସମେତ ଆଉ ଜଣଙ୍କୁ ମଧ୍ୟ ଗିରଫ କରିଛି । ଏହି ଡ୍ରଗ୍ସର ମୂଲ୍ୟ ବଜାରରେ ୫ କୋଟି ଟଙ୍କା ହେବ ବୋଲି ଅନୁମାନ କରାଯାଉଛି ।