ତିହାର ଜେଲ ଯିବେ ପି. ଚିଦମ୍ବରମ, ୧୯ ପର୍ଯ୍ୟନ୍ତ ବିଚାରବିଭାଗୀୟ ହାଜତକୁ ପଠାଇଲେ ସିବିଆଇ କୋର୍ଟ
ନୂଆଦିଲ୍ଲୀ : ଆଜି ଦିନଟି ପୂର୍ବତନ କେନ୍ଦ୍ର ଅର୍ଥମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପି.ଚିଦମ୍ବରମଙ୍କ ପାଇଁ ବେଶ ଘଟଣାବହୁଳ ଥିଲା । ପ୍ରଥମେ ସୁପ୍ରିମକୋର୍ଟ ତାଙ୍କୁ ଆଇଏନଏକ୍ସ ମିଡିଆ ମାମଲାରେ ଜାମିନ ଦେବାକୁ ମନା କରିବା ପରେ ଅନ୍ୟ ଏକ ମାମଲା (ଏୟାରସେଲ-ମାର୍କ୍ସିସ )ରେ ଦିଲ୍ଲୀର ସିବିଆଇ କୋର୍ଟ ତାଙ୍କୁ ଆଗୁଆ ଜାମିନ ଦେଇଥିଲେ । କିନ୍ତୁ ସଂଧ୍ୟା ହେଉ ହେଉ ତାଙ୍କ ପାଇଁ ଏକ ବଡ଼ ଖରାପ ଖବର ଆସିଥିଲା । ତାହା ହେଉଛି ତାଙ୍କୁ ଆସନ୍ତା ୧୯ ତାରିଖ ପର୍ଯ୍ୟନ୍ତ ଦିଲ୍ଲୀର ତିହାର ଜେଲରେ ରହିବାକୁ ହେବ ।
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀର ରସ ଆଭେନ୍ୟୁସ୍ଥିତ ସ୍ୱତନ୍ତ୍ର ସିବିଆଇ କୋର୍ଟ ତାଙ୍କୁ ୧୯ ତାରିଖ ପର୍ଯ୍ୟନ୍ତ ବିଚାର ବିଭାଗୀୟ ହାଜତକୁ ପଠେଇ ଦେଇଛନ୍ତି । ତାଙ୍କୁ ବିଚାରବିଭାଗୀୟ ହାଜତକୁ ପଠାଇବା ପାଇଁ ସିବିଆଇ ତରଫରୁ କୋର୍ଟରେ ଅପିଲ କରାଯାଇଥିଲା । କିନ୍ତୁ ଚିଦମ୍ବରମଙ୍କ ଓକିଲ କପିଲ ସିବ୍ଦଲ ଏହାକୁ ବିରୋଧ କରି କହିଥିଲେ ଯେ ସେ ଇଡି ରିମାଣ୍ଡରେ ଯିବାକୁ ରାଜିଥିବାରୁ ତାଙ୍କୁ ଜେଲକୁ ପଠାଇବାର କୌଣସି ଆବଶ୍ୟକତା ନାହିଁ । କିନ୍ତୁ ବିଚାରପତି ଅଜୟ କୁମାର କୁହର ସିବ୍ଦଲଙ୍କ ଏହି ଯୁକ୍ତିକୁ ମାନିନଥିଲେ ।