‘ନବ ଭାରତ’ ନିର୍ମାଣ ନିମନ୍ତେ ଖାଉଟି ସୁରକ୍ଷା ଅପରିହାର୍ଯ୍ୟ: ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ: ଗୁରୁବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁତ୍ୱାରୋପ କରି କହିଛନ୍ତି ଯେ ସରକାରଙ୍କର ‘ନବ ଭାରତ’ ନିର୍ମାଣ ସଙ୍କଳ୍ପ ଧାରାରେ ରହିଛି ଖାଉଟି ସୁରକ୍ଷା।
ସରକାର ପ୍ରାଥମିକତା ଦେଉଥିବା ଖାଉଟି ସୁରକ୍ଷା ଆମ ନବ ଭାରତ ନିର୍ମାଣ ସଙ୍କଳ୍ପ ଧାରାରେ ରହିଛି, ଏହାକୁ ଆମେ ଆଗକୁ ଖାଉଟି ସମୃଦ୍ଧିକୁ ପରିବର୍ତ୍ତନ କରିବୁ ବୋଲି ପ୍ରଧାନମନ୍ତ୍ରୀ ମୋଦି ନୂଆ ଦିଲ୍ଲୀରେ ପୂର୍ବ, ଦକ୍ଷିଣ ଏବଂ ଦକ୍ଷିଣ-ପୂର୍ବ ଦେଶସମୂହ ସକାଶ ଆୟୋଜିତ ‘ଖାଉଟି ସୁରକ୍ଷାର ସଂକ୍ରାନ୍ତ ଆନ୍ତର୍ଜାତିକ ସମ୍ମେଳନ’ରେ କହିଛନ୍ତି।

ସେ ଆହୁରି କହିଛନ୍ତି, ଜନସାଧାରଣଙ୍କୁ ଭ୍ରମାତ୍ମକ ଦିଗରେ ପରିଚାଳିତ କରୁ ନାହାନ୍ତି ବୋଲି ନିଶ୍ଚିତ କରିବାକୁ ବିଜ୍ଞାପନଗୁଡ଼ିକ ଉପରେ ଆହୁରି କଠିନ ଗାଇଡ୍‌ଲାଇନ୍‌ ବିଛାଇବା ନିମନ୍ତେ ଖାଉଟି ସୁରକ୍ଷା ଆଇନ୍‌ ତିଆରି ଚାଲିଛି।

ଦେଶକୁ ଏକ ନୂତନ ବାଣିଜ୍ୟ ସଂସ୍କୃତି ଦେଇଥିବା ନୂତନ ‘ଦ୍ରବ୍ୟ ଓ ସେବାକର’ (ଜିଏସ୍‌ଟି) ଶାସନକୁ ୨୪ଟି ଦେଶ ଅଂଶ ଗ୍ରହଣ କରିଥିବା ସମ୍ମେଳନରେ ଭାଷଣ ଦେଇ ପ୍ରଧାନମନ୍ତ୍ରୀ ବାହାଦୁରି ଦେଇଥିଲେ।

ସେ ଜନତାଙ୍କୁ ପ୍ରତିଶ୍ରୁତି ଦେଇ କହିଛନ୍ତି ଯେ ଏହି ସଂସ୍କାରର ଫଳ ସ୍ୱରୂପ ଗରିବ ଏବଂ ମଧ୍ୟବିତ୍ତ ଶ୍ରେଣୀର ଲୋକେ ସବୁଠୁ ବଡ଼ ବିଜେତା ହେବେ।

ଜିଏସ୍‌ଟି କମ୍ପାନିମାନଙ୍କ ମଧ୍ୟରେ ପ୍ରତିଦ୍ୱନ୍ଦ୍ୱିତା ବୃଦ୍ଧି କରାଇବ। ଫଳରେ ସାମଗ୍ରୀର ମୂଲ୍ୟ ହ୍ରାସ ପାଇବ। ବଦଳରେ ଗରିବ ଏବଂ ମଧ୍ୟବିତ୍ତ ଖାଉଟିମାନେ ଉପକୃତ ହେବେ ବୋଲି ସେ କହିଛନ୍ତି।

ଯେ କୌଣସି ବ୍ୟବସାୟରେ ଖାଉଟି ସନ୍ତୋଷ ହିଁ ଚରମ ଗୁରୁତ୍ୱ।

ମୁଦ୍ରାସ୍ଫିତି ନିୟନ୍ତ୍ରଣରେ ରଖାଯାଇ ଥିବାରୁ ଖାଉଟିମାନେ ଅର୍ଥ ସଞ୍ଚୟ କରି ପାରୁଥିବାରୁ ମୋଦି ନିଜ ସରକାରଙ୍କୁ ପ୍ରଶଂସା କରିଛନ୍ତି।

ବେଦ ପ୍ରସଙ୍ଗ ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ ଅଥର୍ବ ବେଦ ନିର୍ମଳ ବାଣିଜ୍ୟ ପ୍ରଥା ବର୍ଣ୍ଣନା କରେ।