ନିଜ ସହ ଚେୟାର ଓ ଖାଦ୍ୟ ଆଣି ଆସିବେ; ଜାଣନ୍ତୁ ନିମନ୍ତ୍ରଣ କାର୍ଡରେ ଏଭଳି କାହିଁକି ଛପାଗଲା
ନୂଆଦିଲ୍ଲୀ : ସୋସିଆଲ ମିଡିଆରେ ଏକ ବିବାହର ନିମନ୍ତ୍ରଣ ପତ୍ର ଏବେ ଖୁବ୍ ଭାଇରାଲ ହେବାରେ ଲାଗିଛି । ନିମନ୍ତ୍ରଣ ପତ୍ରରେ ଅତିଥିମାନଙ୍କ ପାଇଁ ଯେଉଁ କଥା ଲେଖାଯାଇଛି, ସେ ନେଇ ପତ୍ରଟି ଭାଇରାଲ ହେବାରେ ଲାଗିଛି । ନିମନ୍ତ୍ରଣ ପତ୍ରରେ ଲେଖାଯାଇଛି, ଯଦି ସମୟ ପୂର୍ବରୁ ଆପଣମାନେ ବିବାହରେ ଯୋଗ ଦେବେ କି ନାହିଁ ଜଣାଇବେ ନାହିଁ, ତେବେ ବିବାହକୁ ନିଜ ଲାଗି ଚେୟାର ଓ ସାଣ୍ଡଓ୍ଵିଚ୍ ନେଇକି ଆସିବେ । ପ୍ରଥମେ ଜଣେ ବ୍ୟବହାରକାରୀ ଏହାକୁ ରେଡ୍ଡିଟ୍ରେ ସେୟାର କରିବା ପରେ ଲୋକେ ଏହି ନିମନ୍ତ୍ରଣ ପତ୍ରର ଚର୍ଚ୍ଚା କରିବାରେ ଲାଗିଛନ୍ତି । ତେବେ ଏଭଳି ନିମନ୍ତ୍ରଣ ପତ୍ର ପଠାଇଥିବା ଦମ୍ପତ୍ତିଙ୍କ ନାଁ ସାମ୍ନାକୁ ଆସି ନାହିଁ । ନିମନ୍ତ୍ରଣ ପତ୍ରରେ ଦମ୍ପତ୍ତି ସେପ୍ଟେମ୍ବର ୧୦ ମଧ୍ୟରେ ସୂଚନା ଦେବାକୁ କହିଥିଲେ ବୋଲି ଦେଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
ତେବେ ଏଭଳି ନିମନ୍ତ୍ରଣ ପତ୍ର ଭାଇରାଲ ହେବା ପରେ ରେଡ୍ଡିଟ୍ରେ କିଛି ଘଣ୍ଟା ମଧ୍ୟରେ ୧,୦୦୦ଅଧିକ ଲୋକଙ୍କ କମେଣ୍ଟ ଆସିବା ସହ କିଛି ଲୋକ ଦମ୍ପତ୍ତିଙ୍କ ଏଭଳି ପଦକ୍ଷେପକୁ ପ୍ରଶଂସା କରିବାରେ ଲାଗିଥିବା ଦେଖାଯାଇଛି ।