ବରିଷ୍ଠ ସିପିଆଇ ନେତା ତଥା ପୂର୍ବତନ ସାଂସଦ ଗୁରୁଦାସ ଦାସଗୁପ୍ତାଙ୍କ ପରଲୋକ
କୋଲକାତା: ଆଜି ସକାଳେ ଭାରତୀୟ କମ୍ୟୁନିଷ୍ଟ ପାର୍ଟି (ସିପିଆଇ)ର ବରିଷ୍ଠ ନେତା ତଥା ପୂର୍ବତନ ସାଂସଦ ଗୁରୁଦାସ ଦାସଗୁପ୍ତାଙ୍କ କୋଲକାତାରେ ପରଲୋକ ହୋଇଥିବା ଜଣାଯାଇଛି । ମୃତ୍ୟୁ ବେଳକୁ ତାଙ୍କୁ ୮୩ ବର୍ଷ ହୋଇଥିଲା । ସେ ଦୀର୍ଘଦିନ ଧରି କିଡନି ରୋଗରେ ପୀଡ଼ିତ ଥିଲେ।
Sambad is now on WhatsApp
Join and get latest news updates delivered to you via WhatsApp
ଦେଶର ଜଣାଶୁଣା ବାମପନ୍ଥୀ ନେତା ଭାବେ ଜଣାଶୁଣା ଗୁରୁଦାସ ଦାସଗୁପ୍ତା ୧୯୩୬ ମସିହା ନଭେମ୍ବର ୩ତାରିଖରେ ଜନ୍ମ ଗ୍ରହଣ କରିଥିଲେ । ସେ ୩ ଥର ରାଜ୍ୟସଭା ଓ ୨ ଥର ଲୋକସଭାକୁ ନିର୍ବାଚିତ ହୋଇଥିଲେ । ସେ ୧୯୮୫ରେ ପ୍ରଥମ ଥର ରାଜ୍ୟସଭା ସାଂସଦ ହୋଇଥିଲେ । ଏହା ପରେ ସେ ୧୯୮୮ ଏବଂ ୧୯୯୪ରେ ଯଥାକ୍ରମେ ଦ୍ବିତୀୟ ଓ ତୃତୀୟ ଥର ରାଜ୍ୟସଭା ସଦସ୍ୟ ହୋଇଥିଲେ ।
୨୦୦୪ରେ ଗୁରୁଦାସ ଦାସଗୁପ୍ତା ପ୍ରଥମ ଥର ପଶ୍ଚିମବଙ୍ଗର ପଂଶୁକୁରା ଲୋକସଭା ଆସନରୁ ନିର୍ବାଚିତ ହୋଇଥିଲେ । ଏହାପରେ ସେ ୨୦୦୯ରେ ଘାଟକୁଲା ଆସନରୁ ଦ୍ବିତୀୟ ଥରଲାଗି ଲୋକସଭା ନିର୍ବାଚନରେ ବିଜୟୀ ହୋଇଥିଲେ । ଏହି ସମୟରେ ସେ ଲେକସଭାରେ ସିପିଆଇର ସଂସଦୀୟ ଦଳର ନେତା ମଧ୍ୟ ଥିଲେ । ସେ ପଶ୍ଚିମବଙ୍ଗ କ୍ରିକେଟ ସଂଘର ବି ସଦସ୍ୟ ଥିଲେ। ତାଙ୍କ ବିୟୋଗରେ ରାଜନୈତିକ ମହଲରେ ଶୋକର ଛାୟା ଖେଳିଯାଇଛି।