ଟୁଇଟର୍ରେ ରାଜନୈତିକ ବିଜ୍ଞାପନ ନିଷେଧ
ନୂଆଦିଲ୍ଲୀ: ଆସନ୍ତା ମାସ ଠାରୁ ନିଜର ପ୍ଲାଟ୍ଫର୍ମରେ ଟୁଇଟର୍ ରାଜନୈତିକ ବିଜ୍ଞାପନ ବନ୍ଦ କରିବ ବୋଲି କମ୍ପାନିର ମୁଖ୍ୟ କାର୍ଯ୍ୟନିର୍ବାହୀ ବୁଧବାର ଦିନ କହିଛନ୍ତି। ଏହାକୁ ଯୁକ୍ତରାଷ୍ଟ୍ର ଆମେରିକାର ଡେମୋକ୍ରାଟ୍ ଦଳ ସ୍ୱାଗତ କରିଥିବା ବେଳେ ଡୋନାଲ୍ଡ୍ ଟ୍ରମ୍ପ୍ଙ୍କ ରାଷ୍ଟ୍ରପତୀୟ ପ୍ରଚାର ଅଭିଯାନ ନାପସନ୍ଦ କରିଛି।
Sambad is now on WhatsApp
Join and get latest news updates delivered to you via WhatsApp
ଟୁଇଟର୍ ସିଇଓ ଜ୍ୟାକ୍ ଡୋର୍ସେ ଏକ ବିବୃତିରେ କହିଛନ୍ତି: ବିଶ୍ୱବ୍ୟାପୀ ଆମେ ଟୁଇଟର୍ରେ ରାଜନୈତିକ ବିଜ୍ଞାପନ ବନ୍ଦ କରିବାକୁ ନିଷ୍ପତ୍ତି ନେଇଛୁ। ଆମର ବିଶ୍ୱାସ ରାଜନୈତିକ ବାର୍ତ୍ତା ରିଚ୍ କରାଇବା ଉପାର୍ଜନ କରାଯାଏ, କିଣାଯାଏ ନାହିଁ।
ଡୋର୍ସେ ଟୁଇଟ୍ କରିଛନ୍ତି: ଲୋକେ କୌଣସି ଆକାଉଣ୍ଟ୍ ଅନୁସରଣ କଲେ ବା ପୁନଃଟୁଇଟ୍ କଲେ ଯାଇ ଗୋଟାଏ ରାଜନୈତିକ ବାର୍ତ୍ତା ରିଚ୍ ଅର୍ଜନ କରେ। ଉଚ୍ଚ ଆଶାଯୁକ୍ତ ଏବଂ ନିର୍ଦ୍ଦିଷ୍ଟ ରାଜନୈତିକ ଅଭିସନ୍ଧିମୂଳକ ବାର୍ତ୍ତା ଲୋକମାନଙ୍କ ଉପରେ ଲଦି ଦେବା ଲାଗି ରିଚ୍ ପାଇଁ ଦେୟ ଦେଲେ ସେମାନଙ୍କ ନିଷ୍ପତ୍ତି ହଟିଯାଏ। ଆମର ବିଶ୍ୱାସ ଏ ନିଷ୍ପତ୍ତିକୁ ଆମେ ଅର୍ଥ ନିମନ୍ତେ ସାଲିସ୍ କରିବୁ ନାହିଁ। ଇଣ୍ଟର୍ନେଟ୍ ବିଜ୍ଞାପନ ଅବିଶ୍ୱସନୀୟ ଭାବେ ଶକ୍ତିଶାଳୀ ଏବଂ ବ୍ୟାବସାୟିକ ବିଜ୍ଞାପନଦାତାଙ୍କ ନିମନ୍ତେ ଫଳପ୍ରଦ ହୋଇଥିବାରୁ ରାଜନୀତି କ୍ଷେତ୍ରରେ ବଡ଼ ବିପତ୍ତି ଆଣିପାରେ। ଏହା ଦ୍ୱାରା ନିୟୁତ ନିୟୁତ ଲୋକଙ୍କୁ ଭୋଟ୍ ପାଇଁ ପ୍ରଭାବିତ କରାଯାଇପାରେ।