ଗୁଜୁରାଟରେ ନିର୍ମାଣ ହେଲା ଦେଶର ପ୍ରଥମ ଡାଇନୋସର ପାର୍କ
ଅହମଦାବାଦ: ଗୁଜୁରାଟର ଵାଲାସୀନୋରରେ ଏବେ ଦେଶର ପ୍ରଥମ ତଥା ନିଆରା ପାର୍କର ନିର୍ମାଣ କରାଯାଇଛି | ଏହା ଦୁନିଆର ତୃତୀୟ ବୃହତ୍ ତଥା ଦେଶର ପ୍ରଥମ ଡାଇନୋସର ମ୍ୟୁଜିୟମ ପାର୍କ ଭାବେ ମାନ୍ୟତା ପାଇଛି | ଖୁବଶୀଘ୍ର ଏହାକୁ ସାଧାରଣ ଲୋକଙ୍କ ପାଇଁ ଖୋଲାଯିବ | ଏହି ପାର୍କ ୧୨୧ ଏକର ଜମିରେ ନିର୍ମାଣ କରାଯାଇଛି|
Sambad is now on WhatsApp
Join and get latest news updates delivered to you via WhatsApp
ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ୩୬ ବର୍ଷ ପୂର୍ବେ ଅର୍ଥାତ ୧୯୮୩ ମସିହାରେ ଏହି ସ୍ଥାନରେ ଡାଇନୋସରର ଜୀବାସ୍ମ ମିଳିଥିଲା | ସେହିପରି ଡାଇନୋସରର ୧୦ ହଜାର ଅଣ୍ଡାର ଅବଶେଷ ମଧ୍ୟ ମିଳିଥିଲା | ୨୦୦୩ରେ ଏହି ସ୍ଥାନକୁ ଖୋଳାଯିବା ବେଳେ ଡାଇନୋସରର କିଛି ନୂଆ ପ୍ରଜାତିର ଜୀବାସ୍ମ ମିଳିଥିଲା | ସେହିପରି ଏହି ଅଂଚଳ ପାର୍ଶ୍ୱଦେଇ ବହିଯାଇଥିବା ନର୍ମଦା ନଦୀ କୂଳରେ ମଧ୍ୟ ଡାଇନୋସରର କଙ୍କାଳ, ଗୋଡ,ଲାଞ୍ଜ,ହାଡ ମିଳିଥିଲା | ଏହି ସ୍ଥାନକୁ ଦୁନିଆର ତୃତୀୟ ବୃହତ୍ ଜୀବାସ୍ମ ସ୍ଥଳୀ ଭାବେ ବିବେଚନା କରାଯାଏ |
ବିଶେଷଜ୍ଞଙ୍କ କହିବା କଥା, ୬.୫ କୋଟି ବର୍ଷ ପୂର୍ବେ ଏଠାରେ ଡାଇନୋସରଙ୍କର ପାଖପାଖି ୭ଟି ପ୍ରଜାତି ବସବାସ କରୁଥିଲେ | ଏହି ମ୍ୟୁଜିୟମରେ ଡାଇନୋସରଙ୍କର ଜୀବନ କାହାଣୀ ଲୋକଙ୍କୁ କୁହାଯିବ |