ବ୍ୟକ୍ତିଗତ ପରାମର୍ଶଦାତା କରୋନା ଆକ୍ରାନ୍ତ ହେବା ପରେ ସଙ୍ଗରୋଧରେ ଡୋନାଲ୍ଡ ଟ୍ରମ୍ପ, କରୋନା ରିପୋର୍ଟକୁ ଅପେକ୍ଷା
ନୂଆଦିଲ୍ଲୀ: ସଙ୍ଗରୋଧରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବ୍ୟକ୍ତିଗତ ପରାମର୍ଶଦାତା ହୋପ୍ ହିକ୍ କରୋନା ପଜିଟିଭ୍ ଚିହ୍ନଟ ହେବା ପରେ ରାଷ୍ଟ୍ରପତି ନିଜକୁ ସଙ୍ଗରୋଧ କରିଥିବା ଜଣା ପଡ଼ିଛି । ଟ୍ରମ୍ପଙ୍କ ସହିତ ତାଙ୍କର ପତ୍ନୀ ମେଲାନିଆ ଟ୍ରମ୍ପ ମଧ୍ୟ ଏବେ ସଙ୍ଗରୋଧରେ ରହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ବର୍ତ୍ତମାନ ଆମେରିକାରେ ନିର୍ବାଚନ ପାଖେଇ ଆସୁଥିବା ବେଳେ ବ୍ୟକ୍ତିଗତ ପରାମର୍ଶଦାତା କରୋନା ଆକ୍ରାନ୍ତ ହେବା ଖବର ଟ୍ରମ୍ପଙ୍କ ଚିନ୍ତା ବଢାଇ ଦେଇଛି । ଏହା ସହ ସଂକ୍ରମଣର ଆଶଙ୍କା ନେଇ ସେ ନିଜକୁ ସଙ୍ଗରୋଧ କରିଥିବାରୁ ପ୍ରଚାର କାମରେ ଏହା ଟ୍ରମ୍ପଙ୍କ ପାଇଁ ବଡ଼ ବାଧକ ସାଜିବ ବୋଲି ଜଣାଯାଇଛି । ବର୍ତ୍ତମାନ ଆମେରିକାରେ ନିର୍ବାଚନ ଋତୁ । ହୋପ୍ ହିକ୍ , ଆମେରିକା ରାଷ୍ଟ୍ରପତିଙ୍କ ସହିତ ଏୟାରଫୋର୍ସ ୱାନରେ ସବୁ ସ୍ଥାନକୁ ଗସ୍ତ କରିଥାନ୍ତି । ନିକଟରେ ପ୍ରେସିଡେଣ୍ଟ ଡିବେଟ ପାଇଁ ହୋପ୍ ହିକ୍ ଟ୍ରମ୍ପଙ୍କ ସହିତ କ୍ଲିଓଲାଣ୍ଡ ଗସ୍ତ କରିଥିଲେ । ଏହାପରେ ତାଙ୍କ ଶରୀରରେ କରୋନା ଲକ୍ଷଣ ଦେଖା ଦେଇଥିଲା ।
Hope Hicks, who has been working so hard without even taking a small break, has just tested positive for Covid 19. Terrible! The First Lady and I are waiting for our test results. In the meantime, we will begin our quarantine process!
— Donald J. Trump (@realDonaldTrump) October 2, 2020
ତାଙ୍କର କରୋନା ପରୀକ୍ଷା କରାଯିବା ପରେ ଏବେ ରିପୋର୍ଟ ପଜିଟିଭ୍ ଆସିଛି । ବ୍ୟକ୍ତିଗତ ପରାମର୍ଶଦାତା କରୋନା ଆକ୍ରାନ୍ତ ହୋଇଥିବା ନେଇ ଆମେରିକା ରାଷ୍ଟ୍ରପତି ଡୋଲାଲ୍ଡ ଟ୍ରମ୍ପ ଟୁଇଟ୍ କରି ଜଣାଇଛନ୍ତି । ହୋପ୍ ହିକଙ୍କ ସଂସ୍ପର୍ଶରେ ଆସିଥିବାରୁ ଆମେରିକା ରାଷ୍ଟ୍ରପତି ଓ ତାଙ୍କର ପତ୍ନୀଙ୍କ ନମୁନା ପରୀକ୍ଷା ପାଇଁ ପଠାଯାଇଛି। ରିପୋର୍ଟକୁ ଅପେକ୍ଷା କରିବା ସହ ସେ ନିଜକୁ ସଙ୍ଗରୋଧ କରିଥିବା ନେଇ ଟୁଇଟ୍ ଜରିଆରେ ଜଣାଇଛନ୍ତି।