କୋଭିଡ୍-୧୯ ନମୁନା ପରୀକ୍ଷା ଲାଗି ଭାରତୀୟ କମ୍ପାନି କାଗଜ-ପଟିରେ ତିଆରି କଲା ପରୀକ୍ଷା କିଟ୍ ‘ଫେଲୁଦା’
ନୂଆଦିଲ୍ଲୀ: କରୋନାଭାଇରସ୍ ସଂକ୍ରମଣ ନମୁନା ପରୀକ୍ଷା ନିମନ୍ତେ କାଉନ୍ସିଲ୍ ଅଫ୍ ସାଇଣ୍ଟିଫିକ୍ ଆଣ୍ଡ୍ ଇଣ୍ଡଷ୍ଟ୍ରିଆଲ୍ ରିସର୍ଚ’ (ସିଏସ୍ଆଇଆର୍) ‘ଫେଲୁଦା’ ନାମକ ଏକ କାଗଜ-ପଟି ତିଆରି କରିଛି। ସତ୍ୟଜିତ୍ ରାୟଙ୍କ କାଳ୍ପନିକ ଗୁଇନ୍ଦା ଚରିତ୍ର ‘ଫେଲୁଦା’ ନାମାନୁସାରେ ଏହି ପରୀକ୍ଷା-ପଟିର ନାମକରଣ କରାଯାଇଛି। ଏ ମାସ ଶେଷ ସୁଦ୍ଧା ସ୍ଥଳବିଶେଷରେ ଦ୍ରୁତ ଗଣପରୀକ୍ଷା କରାଇବା ଆଶାରେ ଏହି ପରୀକ୍ଷା-ପଟିର ବ୍ୟାପକ ପ୍ରସାର ଓ ବହୁଳ ବ୍ୟବହାର ନିମନ୍ତେ ‘ସିଏସ୍ଆଇଆର୍’ ‘ଟାଟା ସନ୍ସ’ ସହ ସାମିଲ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସମ୍ପୂର୍ଣ୍ଣ ସ୍ବଦେଶୀ ଜ୍ଞାନରେ ଉଦ୍ଭାବିତ ‘ଫେଲୁଦା’ ସାମ୍ପ୍ରତିକ କୋଭିଡ୍-୧୯ ପରିସ୍ଥିତି ଊଣା କରିବା ଏବଂ ଗଣ ପରୀକ୍ଷଣ ସୁବିଧା କରାଇବାକୁ ଉଦ୍ଦେଶ୍ୟରେ ନିର୍ମିତ। ସବୁଠୁ ବଡ଼ କଥା ହେଉଛି ଏହାର ଦାମ କମ୍, ବ୍ୟବହାର ବିଧି ସହଜ। ଅନ୍ୟ ଏକ କଥା ହେଲା ଏହା ବ୍ୟୟବହୁଳ କ୍ବି-ପିସିଆର୍ ମେସିନ୍ ଉପରେ ନିର୍ଭରଶୀଳ ନୁହେଁ।
‘ଫେଲୁଦା’କୁ ଉଦ୍ଭାବନ କରିଛି ‘ସିଏସ୍ଆଇଆର୍’ର ‘ଇନ୍ଷ୍ଟିଚ୍ୟୁଟ୍ ଅଫ୍ ଜେନୋମିକ୍ସ ଆଣ୍ଡ୍ ଇଣ୍ଟିଗ୍ରେଟିଭ୍ ବାୟୋଲଜି’।