ବିଦାୟ ନେଲେ ଲାଲବାଗ ଗଣେଶ
ମୁମ୍ବାଇ: ମାୟାନଗରୀ ମୁମ୍ବାଇରୁ ବିଦାୟ ନେଇଛନ୍ତି ଲାଲବାଗ ବପ୍ପା । ‘ଗଣପତି ବପ୍ପା ମୋରିୟା ଅଗଲେ ବରଷ ତୁ ଜଲଦି ଆ’ ଧ୍ୱନିରେ ପ୍ରକମ୍ପିତ ହୋଇ ଉଠିଥିଲା ମୁମ୍ବାଇ ସହର । ପୂରା ପରିବେଶ ଭକ୍ତିମୟ ହୋଇ ଉଠିଥିବାବେଳେ ବପ୍ପାଙ୍କୁ ବିଦାୟ ଦେବା ବେଳକୁ ଆଖିରୁ ଝରି ଆସିଥିଲା ଲୁହ । ତଥାପି ହୃଦୟକୁ ପଥର କରି ଲାଲବାଗ ଗଣପତିଙ୍କୁ ମୁମ୍ବାଇବାସିନ୍ଦା ବିଦାୟ ଦେଇଥିଲେ । ଏଠାରେ ସୂଚନା ଥାଉ ଚଳିତବର୍ଷ ଲାଲବାଗର ରାଜାଙ୍କ ମୂର୍ତ୍ତି ବେଶ ଚର୍ଚ୍ଚା ସୃଷ୍ଟି କରିଥିଲା | ଲାଲବାଗ ରାଜାଙ୍କ ପ୍ରତିମା ସବୁଠାରୁ ବିଶାଳକାୟ ହୋଇଥିବା ବେଳେ ଏହି ମଣ୍ଡପରେ ଚଳିତ ଥର ଥିମ୍ ରହିଥିଲା ଚନ୍ଦ୍ରଯାନ-୨।
Sambad is now on WhatsApp
Join and get latest news updates delivered to you via WhatsApp
ମଣ୍ଡପକୁ ବହୁ ଆଡ଼ମ୍ବରରେ ସାଜସଜ୍ଜା କରାଯାଇଥିବା ବେଳେ ଗଣେଶଙ୍କ ଚାରିପାଖରେ ମହାକାଶର ଦୃଶ୍ୟ ଦେଖିବାକୁ ମିଳିଥିଲା।ତାଙ୍କୁ ଦେଖିବା ପାଇଁ ଲକ୍ଷ ଲକ୍ଷ ଲୋକଙ୍କର ଭିଡ ହୋଇଥିଲା । ଗଣେଶ ଉତ୍ସବ ସମୟରେ ଲାଲବାଗ ରାଜାଙ୍କୁ ଦର୍ଶନ କରିବା ପାଇଁ ପ୍ରତିଦିନ ୧୫ ଲକ୍ଷ ଲୋକ ଆସିଥିଲେ । ଏପରିକି ବପ୍ପାଙ୍କ ଟିକିଏ ଝଲକ ପାଇବା ପାଇଁ ଭକ୍ତମାନେ ଲାଇନରେ ୨୪ ଘଣ୍ଟାରୁ ବି ଅଧିକ ସମୟ ଛିଡା ହୋଇଥିଲେ ।
#WATCH Maharashtra: Procession in Mumbai as the Ganpati idol at Lalbaugcha Raja is being taken for immersion. Visuals from earlier this morning. pic.twitter.com/PgMcacL88P
— ANI (@ANI) September 13, 2019
୧୯୩୪ ମସିହାରେ ପ୍ରଥମଥର ପାଇଁ ଏହି ପେଣ୍ଡାଲରେ ଗଣପତିଙ୍କୁ ସ୍ଥାପନା କରାଯାଇଥିଲା । ଦୀର୍ଘ ୮୬ ବର୍ଷ ଧରି ଏହି ପେଣ୍ଡାଲରେ ବପ୍ପା ପୂଜା ପାଇ ଆସୁଛନ୍ତି । ତେବେ ୧୯୩୫ ମସିହାରୁ ଆଜି ପର୍ଯ୍ୟନ୍ତ କାମ୍ବଲି ପରିବାର ବପ୍ପାଙ୍କ ମୂର୍ତ୍ତି ନିର୍ମାଣ କରୁଛନ୍ତି । ବପ୍ପାଙ୍କ ଦର୍ଶନ କରିବା ପାଇଁ ପ୍ରତିବର୍ଷ ଏଠାରେ ସେଲିବ୍ରିଟି ମାନଙ୍କର ପ୍ରବଳ ଭିଡ ଦେଖିବାକୁ ମିଳେ ।