ପାଣାଜୀ: ଗୋଆର ପାଣାଜୀକୁ ହିଜାବ ପିନ୍ଧି ପରୀକ୍ଷା ଦେବା ପାଇଁ ପହଞ୍ଚିଥିବା ଜଣେ ଛାତ୍ରୀଙ୍କୁ ପରୀକ୍ଷା ଦେବା ଲାଗି ଅନୁମତି ମିଳି ନ ଥିବା ଜଣାପଡ଼ିଛି । ସୁରକ୍ଷା ଦୃଷ୍ଟିରୁ ହିଜାବ ଏବଂ ଅନ୍ୟ ଉପକରଣ ପିନ୍ଧି ପରୀକ୍ଷାରେ ବସିବାରେ ଅନୁମତି ଦିଆଯିବ ନାହିଁ ବୋଲି କହିବାରୁ ନେଟ୍ ପରୀକ୍ଷା ଦେଇ ପାରିଲେ ନାହିଁ ଛାତ୍ରୀ ।
Sambad is now on WhatsApp
Join and get latest news updates delivered to you via WhatsApp
ସଫିନା ଖାନ୍ ସୌଦାଗରଙ୍କ ଅଭିଯୋଗ ଅନୁଯାୟୀ,ଡିିସେମ୍ବର ୧୮ରେ ଯେତେବେଳେ ପାଣାଜୀର ଏକ ପରୀକ୍ଷା କେନ୍ଦ୍ରରେ ସେ ପହଞ୍ଚି ଥିଲେ,ସେତେବେଳେ ତାଙ୍କୁ ହିଜାବ ହଟାଇବା ପାଇଁ କୁହାଯାଇଥିଲା । କିନ୍ତୁ ସଫିନା ଏପରି କରିବା ପାଇଁ ମନା କରିବାରୁ ତାଙ୍କୁ ପରୀକ୍ଷା କେନ୍ଦ୍ର ଭିତରକୁ ପଶିବାକୁ ଦିଆ ଯାଇ ନ ଥିଲା। ଦିନ ୧ଟା ସମୟରେ ଆଡ଼୍ମିଟ୍ କାର୍ଡ଼ ଆଣିବା ପାଇଁ ପହଞ୍ଚିବା ପରେ ଦାୟିତ୍ୱରେ ଥିବା ଅଧିକାରୀ ଆଡ୍ମିଟ୍ କାର୍ଡ଼ରେ ଥିବା ମୋ ଫଟୋ ଏବଂ ମୋତେ ଦେଖିଥିଲେ । ପରେ ସେ ସନ୍ଦେହ କରି ମୋତେ ମୁହଁରୁ ହିଜାବ ହଟାଇବା ପାଇଁ କହିଥିଲେ । କିନ୍ତୁ ଏହା ଧାର୍ମିକ ବିଶ୍ୱାସର ବିରୋଧ ହେବ ବୋଲି ମୁଁ ଏପରି କରି ନ ଥିଲି,ଯେଉଁଥି ପାଇଁ ମୁଁ ପରୀକ୍ଷା ଦେବାରୁ ବଞ୍ଚିତ ହେଲି ବୋଲି ସଫିନା କହିଛନ୍ତି ।