ଉତ୍ତରାଖଣ୍ଡ-ହିମାଚଳରେ ପ୍ରବଳ ବର୍ଷା: ୧୧ ମୃତ, ଅନେକ ନିଖୋଜ
ନୂଆଦିଲ୍ଲୀ: ହିମାଚଳ ପ୍ରଦେଶର ବିଭିନ୍ନ ଅଞ୍ଚଳ ଓ ଉତ୍ତରାଖଣ୍ଡରେ ପ୍ରବଳ ବର୍ଷା ଯୋଗୁଁ ରବିବାର ଜନଜୀବନ ପ୍ରଭାବିତ ହୋଇଛି। ଏହି ୨ ରାଜ୍ୟରେ ବର୍ଷା ଯୋଗୁଁ ୧୧ ଜଣ ଲୋକଙ୍କର ମୃତ୍ୟୁ ଘଟିଛି। ଉତ୍ତରାଖଣ୍ଡରେ ଅନେକ ଲୋକ ଏବେବି ନିଖୋଜ ଅଛନ୍ତି। ସେହିଭଳି ହିମାଚଳ ପ୍ରଦେଶରେ ବର୍ଷା ଲୋକଙ୍କର ଜନଜୀବନକୁ ଅସ୍ତବ୍ୟସ୍ତ କରି ଦେଇଛି।
Sambad is now on WhatsApp
Join and get latest news updates delivered to you via WhatsApp
ଉତ୍ତରକାଶୀ ପ୍ରଶାସନ ଅନୁସାରେ ପ୍ରବଳ ବର୍ଷା ଯୋଗୁଁ ୫ ଜଣ ଲୋକ ନିଖୋଜ ଥିବା ରିପୋର୍ଟ ହସ୍ତଗତ ହୋଇଛି। ଏସଡିଆରଏଫ ମକୋଡିରେ ଜଣେ ମହିଳା ଘର ଭିତରେ ଚାପି ହୋଇଯାଇଥିବା ଜଣାପଡ଼ିଛି।
ଯମୁନାନଗର ହଥନୀକୁଣ୍ଡ ବ୍ୟାରେଜରୁ ୫ ଲକ୍ଷ ୯୩ ହଜାର କ୍ୟୁସେକ୍ ପାଣି ନିଷ୍କାସିତ ହେଉଛି। ସେହିପରି ପାହାଡିଆ ଅଞ୍ଚଳରେ ପ୍ରବଳ ବର୍ଷା ଯୋଗୁଁ ନଦୀର ଜଳସ୍ତର ବୃଦ୍ଧି ପାଇଛି। ପ୍ରଶାସନ ପକ୍ଷରୁ ଯମୁନା ସହିତ ଅନ୍ୟ ଅଞ୍ଚଳରେ ଆଲର୍ଟ ଜାରି କରାଯାଇଛି। ଉତ୍ତରାଞ୍ଚଳ ଓ ହିମାଚଳ ପ୍ରଦେଶ ବ୍ୟତୀତ ଜାତୀୟ ରାଜଧାନୀରେ ମଧ୍ୟ ରବିବାର ବର୍ଷାର ତାଣ୍ଡବ ଦେଖିବାକୁ ମିଳିଛି। ଦିଲ୍ଲୀର ତଳିଆ ଅଞ୍ଚଳରେ ପାଣି ଭର୍ତ୍ତି ହୋଇଯାଇଛି।