ନୂଆଦିଲ୍ଲୀ : ଆସନ୍ତା କିଛି ସପ୍ତାହ ମଧ୍ୟରେ ଭାରତୀୟ ବାୟୁସେନାରେ ସାମିଲ ହେବ ଶକ୍ତିଶାଳୀ କ୍ରୁଜ ମିସାଇଲ ବ୍ରହ୍ମସର ସ୍ୱତନ୍ତ୍ର ଏୟାର ଲଞ୍ଚଡ୍ ଭର୍ସନ । ଏବେ ଏହାର ବ୍ୟବହାରିକ ପରୀକ୍ଷଣ ଚାଲିଛି ଓ ଏହା ନିର୍ଭୁଲ ଭାବେ ନିଜର ଲକ୍ଷ୍ୟଭେଦ କରୁଛି ବୋଲି ସୂଚନା ଦେଇଛନ୍ତି, ଭାରତୀୟ ବାୟୁସେନାର େଓ୍ଵଷ୍ଟର୍ଣ୍ଣ ଏୟାର କମାଣ୍ଡର କମାଣ୍ଡିଂ ଇନ ଚିଫ ଏୟାର ମାର୍ସାଲ ରଘୁନାଥ ନାମ୍ବିଆର । ସେ ଆହୁରି ମଧ୍ୟ କହିଛନ୍ତି ଯେ ଏହି ମିସାଇଲ ବାୟୁସେନାରେ ସାମିଲ ହେବା ପରେ ବାୟୁସେନାର ମାରକ କ୍ଷମତା ଅନେକ ଗୁଣରେ ବୃଦ୍ଧି ପାଇବ । କାରଣ ବ୍ରହ୍ମସର ଘାତକ କ୍ଷମତା ସମଗ୍ର ବିଶ୍ୱର ଆଗଧାଡିର କ୍ରୁଜ ମିସାଇଲ ମାନଙ୍କ ମଧ୍ୟରେ ଅନ୍ୟତମ ।
Sambad is now on WhatsApp
Join and get latest news updates delivered to you via WhatsApp
କାରଗିଲ ଯୁଦ୍ଧ ସମୟରେ ବାୟୁସେନାର କ୍ଷମତା ସହ ତୁଳନା କରି ସେ କହିଛନ୍ତି ଯେ ସେତେବେଳେ ବାୟୁସେନା ପାଖରେ ଥିବା ଲେଜର ଗାଇଡଜେଡ ବମ ମାତ୍ର ୮ ରୁ ୧୦ କିମି ଦୂରରୁ ଯାଇପାରୁଥିଲା, କିନ୍ତୁ ଏବେ ବାୟୁସେନା ପାଖରେ ଥିବା ସ୍ପାଇସ ବମ, କ୍ରିଷ୍ଟାଲ ମେଜ ବମ ଆଦି ବହୁ ଦୂରକୁ ମାଡ କରିପାରିବ । ଏପରିକି ବ୍ରହ୍ମସ ପ୍ରାୟ ୪୫୦ କିମି ଦୂରକୁ ଲକ୍ଷ୍ୟଭେଦ କରିପାରିବ ।