ଫେସବୁକକୁ ନୋଟିସ ପଠାଇଲେ ଭାରତ ସରକାର
ନୂଆଦିଲ୍ଲୀ : ଡ଼ାଟା ଲିକ୍ ମାମଲାରେ ସୋସିଆଲ ନେଟଓ୍ଵାର୍କିଂ ସାଇଟ୍ ଫେସବୁକ ଉପରେ ଅଧିକ ଶକ୍ତ ହୋଇଛନ୍ତି ଭାରତ ସରକାର । ଫେସବୁକକୁ ଏକ ନୋଟିସ ପଠାଇ ଏପ୍ରିଲ ୭ ସୁଦ୍ଧା ଡାଟା ଚୋରୀ ବାବଦରେ ଜବାବ ଦେବାକୁ ନିର୍ଦ୍ଦେଶ ଦିଆଯାଇଛି । ଭାରତୀୟ ନିର୍ବାଚନ ପ୍ରକ୍ରିୟାକୁ ଏହା ପ୍ରଭାବିତ କରିଥିଲା କିି ନା ସେ ସଂପର୍କରେ ମଧ୍ୟ ଜବାବ ମଗାଯାଇଛି । ଏହା ପୂର୍ବରୁ ସରକାରଙ୍କ ପକ୍ଷରୁ ଫେସବୁକର ସହଯୋଗୀ ସଂସ୍ଥା କେମ୍ବ୍ରିଜ ଆନାଲିଟିକାକୁ ମଧ୍ୟ ଏକ ନୋଟିସ ପଠାଯାଇଥିଲା । ଫେସବୁକ ପକ୍ଷରୁ ଅନ୍ୟ କୌଣସି କମ୍ପାନିକୁ ଭାରତୀୟ ଲୋକମାନଙ୍କ ଡାଟା ପ୍ରଦାନ କରାଯାଇଥିଲା କି ନା ସେ ସମ୍ପର୍କରେ ମଧ୍ୟ ତଥ୍ୟ ମଗାଯାଇଛି । ଆହୁରି ମଧ୍ୟ ଡାଟାକୁ ସୁରକ୍ଷିତ ରଖିବା ପାଇଁ କଣ ପଦକ୍ଷେପ ନେଉଛ ସେ ସମ୍ପର୍କରେ ମଧ୍ୟ ଜଣାଇବାକୁ କୁହାଯାଇଛି ବୋଲି ଭାରତ ସରକାରଙ୍କ ପକ୍ଷରୁ ସୂଚନା ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ଗତକାଲି ବ୍ରିଟିଶ ପାର୍ଲିଆମେଣ୍ଟରେ ଏହି ଡାଟା ଚୋରୀ ସମ୍ପର୍କରେ ପ୍ରଘଟ କରିଥିବା କ୍ରିଷ୍ଟୋଫର ଓ୍ଵାଇଲି କହିଥିଲେ ଯେ ଏହି ସଂସ୍ଥା ଭାରତରେ କଂଗ୍ରେସ ପାଇଁ କାମ କରୁଥିଲା ।
କେମ୍ବି୍ରଜ ଆନାଲିଟିକାର ଜଣେ ଡାଟା ଆନାଲିଷ୍ଟ ଭାବେ କାମ କରୁଥିବା ଓ୍ଵାଇଲି ଆହୁରି ମଧ୍ୟ କହିଥିଲେ ଯେ ଭାରତରେ ଏକ ଅଫିସ ଖୋଲିଥିଲା ଏହି କମ୍ପାନି । ଏହି କମ୍ପାନି ପ୍ରାୟ ୫ କୋଟି ଫେସବୁକ ଆକାଉଣ୍ଟରୁ ତଥ୍ୟ ଚୋରୀ କରି ତାହାକୁ ରାଜନୈତିକ ପ୍ରଭାବ ପକାଇବା କାମରେ ବ୍ୟବହାର କରିଥିଲା ।