ଜାତୀୟ ଯୁଦ୍ଧ ସ୍ମାରକୀରେ ରହିବ ୧୯୯୦ ଆକ୍ରମଣରେ ସହିଦ ବାୟୁସେନା ଅଧିକାରୀଙ୍କ ନାମ
ନୂଆଦିଲ୍ଲୀ: ୧୯୯୦ ମସିହାରେ ବିଚ୍ଛିନ୍ନତାବାଦୀ ୟାସିନ୍ ମଲିକଙ୍କ ଦ୍ୱାରା ନିହତ ସ୍କ୍ଵାଡ୍ରୋନ୍ ଲିଡର୍ ରବି ଖାନ୍ନାଙ୍କ ନାମ ଜାତୀୟ ଯୁଦ୍ଧ ସ୍ମାରକୀରେ ଅନ୍ତର୍ଭୁକ୍ତ କରିବାକୁ ଭାୟତୀୟ ବାୟୁସେନା ଅନୁମୋଦନ କରିଛି।
Sambad is now on WhatsApp
Join and get latest news updates delivered to you via WhatsApp
ତାଙ୍କର ନାମ ସେଠାରେ ରଖାଯିବା ଉଚିତ ବୋଲି ସମ୍ପୃକ୍ତ ବାୟୁସେନା କର୍ତ୍ତୃପକ୍ଷମାନେ ସେପ୍ଟେମ୍ବର ମାସ ଶେଷ ସପ୍ତାହରେ ଏହି ନିଷ୍ପତ୍ତି ନେଇଥିଲେ। ଆକ୍ରମଣ ସମୟରେ କାର୍ଯ୍ୟରତ କର୍ମଚାରୀମାନଙ୍କର ନାମ ସମ୍ପୃକ୍ତ ବିଭାଗ ଜାତୀୟ ଯୁଦ୍ଧ ସ୍ମାରକୀକୁ ଯୋଗାଇ ଦିଆଯାଇଥାଏ। ତା’ପରେ ସହିଦଙ୍କ ନାମ ପ୍ରାଚୀରରେ ଉଲ୍ଲେଖ କରାଯାଏ। ତା’ ସହିତ ପ୍ରାଚୀରରେ ଥାଏ କେଉଁ ଅଭିଯାନରେ ସେ ପ୍ରାଣ ବଳି ଦେଇଥିଲେ।
ନିଷିଦ୍ଧ କରାଯାଇଥିବା ଜମ୍ମୁ ଓ କଶ୍ମୀର ଲିବରେସନ୍ ଫ୍ରଣ୍ଟ୍ର ମୁଖ୍ୟ ୟାସିନ୍ ମଲିକ ଚାରିଜଣ ବାୟୁସେନା କର୍ମଚାରୀଙ୍କୁ ହତ୍ୟା କରିବାରେ ସମ୍ପୃକ୍ତ ଥିଲେ। ୧୯୯୦ ମସିହା ଜାନୁଆରି ୨୫ ତାରିଖ ଦିନ ଜେକେଏଲ୍ଏଫ୍ ଆତଙ୍କବାଦୀମାନଙ୍କ ଦ୍ୱାରା ୪ ଜଣ ବାୟୁସେନା କର୍ମଚାରୀ ନିହତ ହୋଇଥିଲେ। ନିହତ ବାୟୁସେନା କର୍ମଚାରୀଙ୍କ ମଧ୍ୟରେ ଥିଲେ କଶ୍ମୀରରେ ସହିଦ ହୋଇଥିବା ସ୍କ୍ଵାଡର୍ଣ୍ଣ ଲିଡର୍ ରବି ଖାନ୍ନା।