ଆପ୍ ସାଂସଦ ସଞ୍ଜୟ ସିଂହଙ୍କ ଆରୋପ : ନିର୍ଦ୍ଧାରିତ ସୀମାଠାରୁ ଅଧିକ ଖର୍ଚ୍ଚ କରିଛନ୍ତି ମୋଦୀ, ନାମାଙ୍କନରେ ଖର୍ଚ୍ଚ ହୋଇଛି୧.୨୭କୋଟି ଟଙ୍କା
ବାରଣାସୀ : ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ଏବଂ ରାଷ୍ଟ୍ରୀୟ ପ୍ରବକ୍ତା ସଞ୍ଜୟ ସିଂହ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଗମ୍ଭୀର ଅଭିଯୋଗ ଆଣିଛନ୍ତି । ମୋଦୀ କାଶୀରେ ନାମାଙ୍କନ ପତ୍ର ଦାଖଲ କରିବା ସମୟରେ ନିର୍ବାଚନର ଆଦର୍ଶ ଆଚରଣ ବିଧି ଉଲ୍ଲଂଘନ କରିଛନ୍ତି । ମୋଦୀ ନିର୍ଦ୍ଧାରିତ ହୋଇଥିବା ସୀମାରୁ ଗୋଟେ ଦିନରେ ହିଁ ୧କୋଟି ୨୭ଲକ୍ଷ ଟଙ୍କା ଖର୍ଚ୍ଚ କରିଥିବା କହିଛନ୍ତି ସଞ୍ଜୟ ସିଂହ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ ଅଭିଯୋଗ ଅନୁଯାୟୀ,ଚାଟାର୍ଡ ପ୍ଲେନ୍ରେ ଲୋକ ଆସିବା ସହ ବାରଣାସୀର ସବୁ ବଡ଼ ବଡ଼ ହୋଟେଲରେ ବିଜେପି ସମର୍ଥକମାନେ ରହିଥିଲେ । ମଧ୍ୟାହ୍ନ ଭୋଜନର ହଜାର ହଜାର ପ୍ୟାକେଟ ବଣ୍ଟା ଯାଇଥିଲା । ସୋସିଆଲ ମିଡିଆ ଏବଂ ଷ୍ଟେଜ୍ ପାଇଁ ଲକ୍ଷାଧିକ ଟଙ୍କା ଖର୍ଚ୍ଚ ହୋଇଥିଲା । ଏ ସବୁ କରି ସେ କେବଳ ଜନତାଙ୍କୁ ନିଜ ଆଡ଼କୁ କରିବା ପାଇଁ ଚେଷ୍ଟା କରୁଥିବା କହିଛନ୍ତି ସଞ୍ଜୟ ସିଂହ । ନିର୍ବାଚନ କମିସନଙ୍କୁ ଅଭିଯୋଗ କରି ସଞ୍ଜୟ ସିଂହ ଖର୍ଚ୍ଚର ସବୁ ତଥ୍ୟ ଦେଇଥିବା ଜଣାପଡ଼ିଛି । ଏହା ସହ ମୋଦୀଙ୍କ ନାମାଙ୍କନ ରଦ୍ଦ କରିବାକୁ ସେ ଦାବି କରିଛନ୍ତି ।